Palitan ng piso kontra dolyar lalong humina

LALO pang humina ang palitan ng piso kontra dolyar sa pagsasara nito kahapon sa P50.670.

Nananatili pa rin itong halos dikit na sa 11-year low matapos itong magsara sa P50.600 noong isang araw.

Nagbukas ito sa antas na P50.530 kada dolyar, na bahagyang mas malakas kumpara sa pagsasara noong Miyerkules.

Naitala ang intraday low sa P50.695 at intraday high na P50.530 sa Philippine Dealing System.

Malaki naman ang ibinaba ng kabuuang trade volume sa $430-million mula sa $507-million na naitala noong Miyerkules.

Ayon kay Bangko Sentral ng Pilipinas (BSP) Gov. Nestor Espenilla, ang paggalaw sa palitan ng piso ay sanhi ng “prevailing market conditions,” pati na ng “underlying economic fundamentals” alinsunod na rin sa exchange rate policy ng BSP. -30-

loading...

About Gilbert

You must be logged in to post a comment Login

Leave a Reply