3 miyembro ng KFR group, tigbak sa Cavite

TATLONG hinihinalang kidnapper ang patay makaraang makipagbakbakan sa mga awtoridad sa boundary ng mga lalawigan ng Cavite at Laguna.

Ayon kay S/Supt. Glenn Dumlao, pinuno ng Philippine National Police Anti-Kidnapping Group (PNP–AKG), nangyari ang bakbakan sa bahagi ng Southwoods nang magkasa ng rescue operation ang mga awtoridad hinggil sa isang hinostage na Indian national.

Buhay at nasa ligtas na kalagayan na ngayon ang hinostage na Indian national ngunit hindi muna ito pinangalanan sanhi na rin ng usaping pangseguridad.

Kinilala ang dalawa sa mga suspek na sina Inderjit Singh o Manjit Singh at Wilbert Ong.

Samantala, isa pa sa mga suspek ang hindi pa nakikilala na Indian national.

Batay sa paunang impormasyon ng pulisya, naglalaro sa P20-milyon ang hinihinging ransom ng mga kidnapper kapalit ang kalayaan ng nasabing hostage. JOHNNY ARASGA

loading...

About Gilbert

You must be logged in to post a comment Login

Leave a Reply