Bagong narco-list ni Duterte, hawak na ni Bato

dela-rosa1

KINUMPIRMA ni PNP Chief Dir. Gen. Ronald “Bato” dela Rosa na nasa kanya na ang “updated” na kopya ng narcotics drugs personality list ni President Rodrigo Duterte.

Sinabi ni Bato na nakikipag-koordinasyon na siya sa PNP’s intelligence group at aaralin na niya ang updated version ng narco-list sa lalong madaling panahon.

Ang bagong listahan aniya ay makapal at naglalaman ng mga bagong pangalan ng personalidad na sangkot sa illegal drugs operations.

“Makapal ‘yun… Mayro’ng nabawas o mayro’ng nadagdag. Parang ganon ‘yun, updated,” pahayag ni Dela Rosa.

Gayunman, nilinaw ng PNP chief na hindi nagbigay ng direct orders si Pangulong Duterte para magsagawa ng mga pagpatay habang isinasagawa ang mga illegal drugs operations.

“Si Presidente walang instructions sa akin na pumatay nang marami. Ako wala rin akong instructions sa tao ko na, ‘Pumatay kayo nang marami dahil buhay ‘yan ng tao.’ Sagrado ‘yan kahit masasamang tao man ‘yan, gaano kasama. To kill a person unjustifiably is wrong so walang order,” pahayag ni Dela Rosa. BOBBY TICZON

loading...

About Gilbert

You must be logged in to post a comment Login

Leave a Reply