Lola dinos-por-dos ng may sayad, patay

ARINGAY, LA UNION – Patay ang isang 69-anyos na lola matapos hampasin ng dos-por-dos sa ulo ng isang lalaking umano’y may diperensya sa pag-iisip sa Brgy. San Simon East, Aringay sa nasabing lalawigan kahapon, Agosto 17.

Nakilala ang biktimang si Felomina Viniegas, ng Brgy. San Simon East ng nasabing bayan, habang ang suspek ay nakilala namang si
Christopher Labadero, 30, binata, ng nasabi ring lugar.

Sa imbestigasyon, nagkaroon ng hindi pagkakaunawaan ang suspek at biktima kaya agad kumuha ng dos-por-dos si Labadero at hinampas sa ulo ang biktima.

Agad na itinakbo ang biktima sa ospital ngunit hindi na rin ito umabot nang buhay dahil sa pagkabasag ng bungo nito.

Napag-alaman namang sumasailalim sa psychological test sa Baguio City General Hospital (BCGH) ang suspek dahil sa diperensya sa pag-iisip. ALLAN BERGONIA

loading...

About Gilbert

You must be logged in to post a comment Login

Leave a Reply