Mga mambabatas, ‘di pabor sa rejection ng CA kay Taguiwalo

HINDI pabor si Bayan Muna Rep. Carlos Isagani Zarate sa ginawang pagbasura ng makapangyarihang Commission on Appointments (CA) kay Social Welfare Sec. Judy Taguiwalo.

Malaking kawalan ayon kay Zarate sa Duterte administration si Taguiwalo dahil isa itong competent at dedicated na kalihim.

Sinabi ni Zarate na ang maapektuhan sa nangyari ay ang mga mahihirap na pinaglilingkuran ng DSWD.

Naniniwala rin si Zarate na hindi kakayahan at integridad ang naging isyu ng CA kay Taguiwalo kundi sadyang may ibang agenda ang mga miyembro ng komisyon.

Aniya pa, iyong mga gustong mangbomba at pumatay ay madali umanong nakakalusot sa CA pero ang totoong naglilingkod ay rejected dito.

Pero ayon kay Zarate, mukhang masyadong mahusay at matino si Taguiwalo para sa mga miyembro ng makapangyarihang komisyon.

Samantala, ikinalungkot rin ng ilang mga senador ang kabiguan ng CA na kumpirmahin ang ad interim appointment ni Taguiwalo.

Ayon kay Senate Pro Tempore Ralph Recto, maituturing umano na ‘complete package’ para sa posisyon si Taguiwalo dahil na rin sa kaniyang galing, dedikasyon at commitment sa trabaho.

Nanghihinayang din si Sen. Kiko Pangilinan sa rejection ng CA kay Taguiwalo kahit na apat sila na miyembro ng LP ay bumoto pabor kay Taguiwalo.

Samantala, nahaharap umano sa mabigat na pagsubok ang magiging kapalit ni Taguiwalo sa DSWD.

Paliwanag ni Sen. Bam Aquino, dapat na matugunan ng papalit kay Taguiwalo ang pagpapatuloy at lalo pag pagpapalakas ng ng 4Ps program upang maibigay ang pangangailangan nang mahihirap na mga Pinoy. JOHNNY ARASGA

loading...

About Gilbert

You must be logged in to post a comment Login

Leave a Reply