Pamilyang Pinoy, sugatan sa Barcelona attack

APAT na miyembro ng pamilyang Pinoy ang iniulat na nasugatan matapos ang pag-araro ng isang van sa mga namamasyal sa Barcelona, Spain.

Ayon kay Consul-General, Dr. Emmanuel Fernandez, Consul-General ng Philippine Embassy sa Madrid, isang mag-asawa at dalawa nilang anak ang mga nasugatan.

Sa ngayon, nasa maayos na kondisyon na aniya ang ama, ina at anak na babae habang under observation pa ang limang-taong gulang na anak na lalaki.

Nabatid na nasa naturang bansa ang pamilya para ipagdiwang ang kaarawan ng limang-taong gulang na bata.

Tubong Cebu aniya ang pamilya pero sa Ireland na sila naninirahan at citizen na doon.

Maliban sa apat, wala pa aniyang natatanggap na ulat ang embahada kung mayroon pang ibang Pinoy na nasugatan.

Ani Fernandez, matagal na ang mahigpit ang seguridad na ipinatutupad ng Spanish police dahil sa mga posibilidad na pag-atake.

Ginagawa rin aniya ng mga awtoridad ang lahat upang makontrol ang sitwasyon.

Sa pinakahuling datos, 13 ang patay, at nasa 100 ang sugatan sa nasabing pag-atake. -30-

loading...

About Gilbert

You must be logged in to post a comment Login

Leave a Reply