VP Leni, dismayado sa pagsirit ng mga ‘napapatay’

IKINADISMAYA ni Vice President Leni Robredo ang biglaan umanong pagsirit ng mga napapatay sa mga operasyon ng pulisya sa Bulacan na 32 suspek ang napatay, at sa Maynila kung saan 26 naman ang napatay sa magdamag.

Aniya, matagal nang tinutuligsa ng sambayanan ang culture of impunity, at hindi dapat hayaang bumalik ito.

Giit ng pangalawang pangulo, dapat panagutin sa pamamagitan ng due process ang mga kriminal.

Dagdag ni Robredo, sa mga insidenteng gaya nito, hindi na nasisiguro na umiiral ang hustisya para sa lahat.

Sa ikinasang anti-drug operations ng Bulacan police noong Lunes nang gabi hanggang Martes nang umaga, umabot sa 32 drug suspects ang napatay habang 107 naman ang naaresto.

Sa anti-drug operations naman ng Manila police mula Miyerkules nang gabi hanggang Huwebes nang tanghali, hindi bababa sa 26 ang mga napatay na suspek. JOHNNY ARASGA

loading...

About Gilbert

You must be logged in to post a comment Login

Leave a Reply