DOH-air ambulance sa Mimaropa may bagong hotline

MAY mga bagong hotlines na na magiging permanente ang air ambulance ng Department of Health (DOH) sa MIMAROPA (Oriental/Occidental Mindoro, Marinduque, Romblon, Palawan).
Ayon kay Regional Director Eduardo Janairo, isang standby staff ang sasagot sa sandaling kailanganin ang ‘emergency airlift’ ng isang pasyente sa kanilang bagong hotlines na 0917-5015690 at 0917-5531651 para sa Globe at 0998-5339136 at 0920-9771903 naman para sa  Smart.
Nabatid na 24/7 na magsisilbi ang mga naturang hotlines  partikular na sa mga liblib na lugar para mabilis na madala sa mga hospital ang pasyenteng nangangailangan ng agarang lunas.
Matatandaang muling ibinalik ang regular flight ng air ambulance noong Agosto 15 matapos ang rehabilitasyon kung saan may 106 emergency patient na ang napagsilbihan mula nang ilunsad noong Marso 5, 2017.
Kabilang sa mga pasyente na napagsilbihan na ng air ambulance ay mula sa isla ng Cuyo, Magsaysay, Balabac, at Brooke’s Point sa Palawan, gayundin sa Zamboanga at Tawi-Tawi. MACS BORJA

About Gilbert

You must be logged in to post a comment Login

Leave a Reply