Ex-BOC chief Faeldon, 11 pa, kinasuhan na sa P6.4B shabu shipment

KINASUHAN na ng Philippine Drug Enforcement Agency (PDEA) si dating Bureau of Customs Commissioner Nicanor Faeldon at 11 pang personalidad dahil sa pagkakalusot ng P6.4-bilyong halaga ng shabu papasok ng bansa.

Sa reklamong inihain ng PDEA sa Department of Justice (DOJ), nahaharap sa kasong paglabag sa Republic Act 9165 o Comprehensive Dangerous Drugs Act sina Faeldon at ilan pang opisyal ng BOC.

Ito’y bukod pa sa paglabag sa Anti-graft and Corrupt Practices Law.

Batay sa complaint, nagkuntsabahan umano sina Faeldon kaya’t nakalusot ang droga sa kustodiya ng BOC.

Dahil din diumano sa kapabayaan nina Faeldon, nakatakas ang Chinese na si Chen Ju Long at ilan pang Chinese at Pinoy na personalities na utak umano sa pagpapalusot ng droga sa bansa.

Matatandaang humantong pa sa imbestigasyon sa Senado ang paglusot ng multi-bilyong pisong halaga ng shabu sa kamay ng mga BOC. JOHNNY ARASGA

About Gilbert

You must be logged in to post a comment Login

Leave a Reply