Obrero nahulog mula sa ika-3 palapag ng gusali, todas

dead1

Todas ang isang construction worker makaraang mahulog mula sa ikatlong palapag ng ginagawang gusali kagabi sa Caloocan City.

Si Randy Nachor, nasa hustong gulang, mula sa Buhi Camarines Sur at stay in worker sa ginagawang gusali sa Block 12 Palos corner Pla-pla Street, Barangay 12 ng nasabing lungsod ay hindi na nagawang mailigtas ng mga doktor ng Caloocan City Medical Center sanhi ng tinamong pinsala sa ibat-ibang bahagi ng katawan.

Base sa imbestigasyon ng pulisya, ang insidente ay naganap dakong 10:00 ng gabi.

Nabatid na bitbit ng biktima ang dalawang hollow block ng mag collapsed ang tinutuntungan nitong scaffolding sa ikatlong palapag kung saan tuloy-tuloy itong nahulog.

Ayon sa pulisya ipapatawag nila ang contractor ng nasabing gusali upang magbigay ng paliwanag kung bakit gumamit ito ng safety material na gawa sa sako sa halip na safety net ang kanilang inilagay na pang salo kung sakaling may babagsak mula sa itaas tulad ng nangyaring insidente. RENE MANAHAN

loading...

About Gilbert

You must be logged in to post a comment Login

Leave a Reply