Policewoman tigok, 1 malubha sa pagsemplang

URDANETA CITY, PANGASINAN – Dahil sa madulas na kalsada dulot ng ulan, isang policewoman ang namatay habang malubhang nasugatan ang kasamahan nito matapos sumemplang ang kanilang sinasakyang motorsiklo sa kahabaan ng Brgy. San Vicente, Urdaneta City sa nasabing lalawigan nitong Lunes, October 9.

Nakilala ang biktimang si PO1 Jonalyn Pagaduan, 23, isang Field Training Police (FTP) ng Urdaneta City Police Office (UCPO), ng Brgy. Killo, Sison, Pangasinan.

Samantala, patuloy ang medical observation ang kasamahan nitong si PO1 May Flor Wisco, 23, isa ng FTP-UCPO, ng Brgy. Barangodong, Sison.

Sa imbestigasyon, nangyari ang insidente sa kahabaan ng national road ng Brgy. San Vicente kung saan sumemplang ang dalawang pulis at humampas ito sa isang poste dahil sa basang kalsada dulot ng pag-ulan.

Kahit na may safety helmet ang dalawa, napuruhan sa ulo si Pagaduan na agad nitong ikinamatay habang si Wisco ay agad naman isinugod sa ospital. ALLAN BERGONIA

About Gilbert

You must be logged in to post a comment Login

Leave a Reply