Holdaper nakulangan sa naholdap, taxi driver sinaksak

DAHIL nakulangan sa pera na nakulimbat, isang taxi driver ang nasugatan nang saksakin pa ito ng holdaper na nagpanggap na pasahero sa Quezon City nitong Biyernes ng madaling-araw.

Nagtamo ng saksak sa kanang kamay ang biktimang nakilalang si Franklin Sasoter habang inilarawan naman ang suspek na 5’3 ang taas, medium built, maitim at naka-polo shirt, maong pants at rubber shoes.

Sa ulat, naganap ang insidente dakong 1:15 ng madaling-araw sa Talayan area, Brgy. Batasan Hills, Q.C.

Ayon kay Sasoter, bago ang insidente ay pinara siya ng suspek sa Filinvest at nagpahatid sa Talayan area.

Pagsapit sa madilim na bahagi ng naturang lugar, tinutukan siya ng kutsilyo ng suspek sa dibdib saka nagdeklara ng holdap.

Sa takot na tuluyan siya, ibinigay agad ng biktima ang kanyang kinitang P1,000 pero nakulangan ang suspek kaya sinaksak siya.

Nasalag naman ng biktima ang kutsilyo na dapat sana ay diretso sa kanyang dibdib.

Agad naman bumaba ng taxi ang suspek nang makitang duguan ang kanyang hinoldap at tumakbo sa madilim na bahagi dala ang perang nakulimbat. BOBBY TICZON

About Gilbert

You must be logged in to post a comment Login

Leave a Reply