Nawawalang dalagita, natagpuan bangkay sa Iloilo

BANGKAY na nang matagpuan ang isang dalagita kahapon, Linggo ng umaga, na iniulat na nawawala sa Iloilo.

Ayon kay S/Insp. Samuel Vipinosa, hepe ng pulisya ng Dingle, Iloilo, ang bangkay ng 15-anyos na hindi pinangalanang biktima at taga-Brgy. Camambugan sa bayan ng Dingle ay nasa state of decomposition na.

Sa ulat, natuklasan ang bangkay dakong 6 a.m. sa isang ilog na sinasakupan ng naturang barangay.

Ayon sa lolo at lola ng biktima, may dalawang araw nang hindi nakauwi ang biktima simula ng utusan nila itong bumili sa tindahan.

Natagpuan ng dalawang mangingisda sa ilog, ang labi ng dalagita na nakahubot-hubad.

Naniniwala ang lolo at lola ng biktima na ginahasa ang kanilang apo bago pinatay saka pinaanod sa ilog. BOBBY TICZON

About Gilbert

You must be logged in to post a comment Login

Leave a Reply