1 tigok sa malakas na lindol sa Peru

ISA ang naitalang patay habang marami ang sugatan sa pagtama ng magnitude 7.1 na lindol sa Southern Peru.

Nabatid sa U.S. Geological Survey, ang epicenter ng lindol ay naitala sa Pacific Ocean, 40 kilometers mula sa bayan ng Acari bandang 4:18 ng madaling-araw ng Linggo.

Sinabi ni Arequipa Gov. Yamila Osorio na isang 55-year-old na lalaki ang nasawi sa bayan ng Yauca matapos mabagsakan ng malaking bato.

Binawi naman ng mga awtoridad ang naunang pahayag na mayroon pang isang nasawi mula sa bayan ng Bella Union, at aabot sa animnapu’t lima ang nasugatan.

Ayon kay Jorge Chavez, pinuno ng Civil Defense Institute ng Peru, hindi pa nila makumpirma ang biktima mula sa Bella Union kung kaya’t isa pa lamang ang kumpirmadong patay.

Dahil sa lakas ng lindol, maraming kalsada ang nasira kung kaya’t nahihirapan ang pagpapadala ng tulong sa mga pinaka-apektadong lugar.

Sa Twitter, sinabi ng presidente ng Peru na personal siyang magtutungo sa mga apektadong lugar para alamin ang laki ng pinsalang idinulot ng lindol. JOHNNY ARASGA

About Thor

You must be logged in to post a comment Login

Leave a Reply