Kaso ni Aquino sa SAF 44, ‘di pakikialaman ni Duterte

TINIYAK ni Pangulong Rodrigo Duterte na wala siyang kinalaman sa pagsasampa ng kaso laban kay dating Pangulong Noynoy Aquino at ilang mga personalidad sa naganap na Mamasapano massacre noong 2015.

Kasunod ito ng pahayag ng pangulo na hindi na kailangan pang bumuo ng isa pang panel para imbestigahan ang pagkamatay ng 44 na Special Action Force personnel sa bakbakan sa Mamasapano, Maguindanao tatlong taon na ang nakalilipas.

Noong isang linggo ay sinabi ng Office of the Solicitor General (OSG) na aapela sila sa Supreme Court para atasan ang Ombudsman na baguhin ang mga kasong isinampa laban sa grupo ni Aquino.

Mula sa kasong graft at usurpation of authority, sinabi ng Solicitor General na pipilitin nilang maiakyat ang kaso sa reckless imprudence resulting in multiple homicide.

Bukod sa dating pangulo, pinapanagot rin sa kamatayan ng tinaguriang SAF 44 sina dating PNP Chief Alan Purisima at dating Special Action Force Director Getulio Napeñas.

Sa ikatlong anibersaryo ng Mamasapano massacre ay muling umapela sa pamahalaan ang mga kaanak ng napatay na SAF troopers na tiyakin na mabibigyan ng hustisya ang mga namatay na alagad ng batas.

Gusto rin nilang masampahan ng mabigat na kaso ang dating pangulo pati na ang mga miyembro ng Moro Islamic Liberation Front (MILF) na naka-enkwentro ng mga SAF troopers. JOHNNY ARASGA

About Thor

You must be logged in to post a comment Login

Leave a Reply