Piyesta hinagisan ng granada: 2 parak dedo, 12 sugatan

DALAWANG pulis ang namatay habang 12 pa ang sugatan kabilang ang isang alkalde at kongresista sa pagsabog ng granada sa plaza ng La Paz, Abra, kaninang madaling-araw, Huwebes.

Kinilala ang mga namatay na sina PO3 Carlos Bocaig at PO2 Frenzell Kitoyan ng La Paz municipal police.

Habang ang mga nasugatang opisyal ay sina La Paz Mayor Menchie Bernos at mister nitong si Abra Rep. Joseph Sto. Niño Bernos. Sa ngayon ay ‘di pa nakikilala ang iba pang mga sugatan.

Ayon sa Cordillera police, naganap ang pagsabog 1:30 ng madaling-araw habang nagkakaroon ng fireworks display na bahagi ng mga pagdiriwang ng pista sa lugar.

May hawak nang suspek ang mga awtoridad at patuloy ang kanilang imbestigasyon dito. -30-

About Thor

You must be logged in to post a comment Login

Leave a Reply