Winter Olympics 2018, pinakamalamig sa loob ng 20 taon

INAASAHANG ang nagaganap na Winter Olympics sa Pyeongyang ay ang maging pinakamalamig na edisyon ng palaro sa loob ng 20 taon.

Hindi tulad ng dalawang nagdaang Winter Olympics na halos ireklamo dahil hindi gaanong malamig, tinatayang ang temperatura sa Pyeongyang ay babagsak sa 5°F o halos -15°C sa mga Olympics venues.

Inaasahan pang pangangatugin ng malalakas na hangin ang mga atleta at manonood.

Naitala ang huling pinakamalamig na panahon para sa Winter Olympics noong 1994 sa Lillehammer, Norway.

Samantala, ayon naman sa ilang datos, kung ang ‘absolute low temperature’ ang pag-uusapan, pinakamalamig pa rin ang naitala sa Calgary, Canada noong 1988 na mayroong -45°C.

Ang lokasyon ng Korean Peninsula ay naaapektuhan ng malamig na weather condition mula China, Mongolia at Russia.

Isa pa sa mga rason ng malamig na panahon sa Pyeongyang ay dahil sa pagiging bulubunduking bansa ng South Korea na nagpapalamig lalo sa panahon tuwing winter.

Naghahanda na ang mga organizer sa Pyeongchang upang makasabay sa malamig na panahon at mapigilan ang pagkalat ng virus sa kanilang staff. JOHNNY ARASGA

About Gilbert

You must be logged in to post a comment Login

Leave a Reply