Si Emerson Ocampo ng Cabanatuan Auto Club ang nakapagtala ng Overall, Production Front wheel best Best Time of the Day sa oras niyang 38.64s. Sumunod kay Ocampo ang Novice Best Time of the Day Titleholder na si Hans Melosantos sa oras na 38.90s; mula rin sa Cabanatuan Auto Club si Melosantos. Ang batikang Slalom driver na si Umesh Raimalani ay pasok sa top 3 spot sa oras niyang 40.80s at si Ein Senidrin na nakapagtala ng 41.96s sa ikaapat na pwesto.

Ang mga nagwagi ay nakatanggap ng unang leg ng 2012 Slalom Invitational ay suportado ng SHELL HELIX MOTOR OILS, OUTLAST BATTERY,DUBSHOP MUGWHEELS, FEDERAL TYRES. Suportado rin ito nina HONORABLE MAYOR PABLO ORTEGA, MR. PACOY ORTEGA, ED at RICA REGALA, at MR. MONET ORTEGA.

Suportado BAF (Baguio Auto Forums), G TECH, COROLLA AUTO CLUB BAGUIO, VW CLUB BAGUIO, SPECIAL STAGE, BAGUIO MAKALUMA, BAGSPEED, AUTO IMPRESSIONS, SPEED LIMITS, WHOLESOME CONCEPTS, CABANATUAN AUTO CLUB. Kabilang sa media partners ay ang Stoplight TV, C Magazine, www.autoindustriya.com and kotse.com.

Inaasahan ng Ducati Philippines na aabot sa halos 1,000 Ducatist (termino para sa mga Ducati fans) ang dadalo sa 2-day event sa Clark International Speedway. Para lamang sa espesyal na okasyong ito, inimbitahan ng Ducati Philippines ang world-renowned Ducati rider na si MR. TROY BAYLISS.

Kasabay rin nito ay ang paglunsad ng Ducati Panigale 1199 na gaganapin kinagabihan ng 19th FFF: FANTASTIC FERRARI FOUR

Halos tatlong buwan pa lamang ang nakararaan ng magbukas ang Autostrada Motor ng dealership dito sa Pilipinas. Kasabay nito ay ang pagdating ng Ferrari 458 Italia—ang pinakakilala at iconic na modelo ng Italian brand. Nitong nakaraang linggo, isang supercar na naman ang dinala ng Autostrada sa kanilang dealership store sa The Fort— ang Ferrari FF. Ang Ferrari FF, o Ferrari Four,ay ang kauna-unahang four-seater GT sports car ng Ferrari at ang tanging V12 sports car na may seven-speed dual-clutch F1 gearbox.

Inilagay rin ng Italian manufacturer ang kanilang patent car system na 4RM four-wheel drive system sa Ferrari FF; ito ay isa ring “first” para sa Italian brand. Ang 4-seater Ferrari ay may luggage capacity na 450 liters, at kung ibababa pa ang rear seats, aabot pa ang capacity sa 800liters—ang maximum luggage capacity para sa kategorya nito.

Naging bulung-bulungan na ang isa sa mga unit ng Ferrari FF ay binili ng isa sa mga bumubuo ng noontime show na Eat Bulaaga. Ang Ferrari FF ay maaaring makita sa showroom ng Autostrada Motor sa Bonifacio Global City, The Fort sa Taguig.

Hindi matatawag na enthusiast ang isang tao, kung wala siyang kahit na anong kaalaman patungkol sa bagay na kanyang gusto. Mananatili lamang siyang tagahanga.

Sa naganap na 21st Trans Sport Show, ang mga naging kalahok ay masasabing mga taong lubos-lubos ang pagiging enthusiast sa larangan ng pangongolekta, pagre-restore at pagcu-customize ng kani-kaniyang mga kotse. Iba’t ibang klase o modelo ng sasakyan ang inyong makikita, may mga sports car, trucks, kotse at marami pang iba.

Nakakatuwa ang experience na makapasok at maging part ng nasabing car show. Hindi man sapat ang inyong nalalaman tungkol sa kotse, nakakatuwa pa rin. Very willing ang mga owner at mga company na nag-customize na ipaliwanag at magbigay kaalaman regarding sa mga sasakyan nila. Hindi nakakailang na lumapit, dahil very friendly at accommodating sila.

Isa sa mga highlight ng event ay ang pagse-celebrate ng MGB (Morris Garages Car Company) ng kanilang ika-50th na Anniversary. Magiliw na nagkuwento ang isa sa mga miyembro nila, ipinakita ang ilan sa mga litrato at history kung paano nagsimula ang MGB. Isang 1969 MGB GT na ngayon ay pag-aari ni Mr. Dominic Ochoa, isa ring member ng MG Owners Club at isang MGB Roadster ang mga sasakyan nilang inilahok sa nasabing car show.

Isa pa sa mga highlight ng event ay ang Collecting Vintage Cars Seminar, dahilan na din siguro sa maraming kalahok na mga vintage car, isa na rito ang 1942 Packard 180 limousine na dating official car ni President Jose P. Laurel. Ito ay ni-restore sa dati nitong ganda.

Ayon kay Ms. Sophie de los Santos, President ng Tradeshow International, Inc. at organizer ng pinakamatagal na car show sa bansa, ang Trans Sport Show, sa taong ito, ay talagang naglaan sila ng slot para sa mga baguhan pero pili lamang.

Ilan sa mga nagwagi ay ang Toyota FJ 40 na pag-aari ng dating F3 Champion na si Mr. Tyson Sy bilang Best of Show Nostalgic at ang ang Best of Show Contemporary mula sa Jworks Unlimited.

Hindi ka lamang matutuwa, may maiuuwi ka pang kaalaman.

INILUNSAD

Ang 4TH  generation CR-V ay itinuturing ng HCPI bilang isang “Super CR-V”-ang CR-V na hihigit pa sa mga naunang modelo nito. Lahat ng variants ng bagong CR-V ay mayroon nang Eco-Assist System—isang teknolohiyang ginagamit ng Honda sa kanilang mga top-of-the line cars na kumockontrol sa makina ng sasakyan, sa transmission, at maging ang air-con performance nito upang makasigurong matipid pa rin sa krudo ang sasakyan. Available na rin ang Cruise-Control Option sa lahat ng variants.

Isa pang high-tech feature ng bagong CR-V ay ang i-MID (Intelligent Multi-display function) technology kung saan ang isang 5-inch LCD screen at mga function buttons sa manibela ay tumutulong sa driver na ma-control ang audio/stereo at gas consumptions ng sasakyan. Mayroon din itong HFT o Hands Free Telephone Function para sa mga Bluetooth-enabled cellphones.

Gayunpaman, sa top-of-the-line 2/4L EX variant lamang available ang mga features na ito.

Ang top of the line 2.4L EX CR-V ay classified sa ilalim ng 4-wheel drive SUV at ang 2.0L LX naman ay isang 2-wheel drive. Para sa EX variant, ang 4-cyliner DOHC i-VTEC ang ginamit na makina ng Honda at para naman sa LX, ay ang 4-cyliner SOHC i-VTEC. Automatic ang parehong variants.

Ang CRV-EX ay nagkakahalaga ng Php1,655,000 habang ang CRV-LX ay Php 1,425,000.

ITO

Kawawa naman ang mga mag-asawa, magkapatid, mag-ama at pati na rin ang mga magkaibigan na gusto lang mamasyal o makatipid sa pamasahe o gasolina kaya sila nag-aangkasan na lamang.

Hindi po lahat ng RIDING IN TANDEM ay kriminal. Dahil sa paggamit ng salitang ito ng mga pulis pag humaharap sa media ay iyan na rin ang ginagamit ng ibang manunulat at brodkaster pati na rin mga ilang opisyal ng gobyerno.

Maging ang sarili kong ina ay naging negatibo na rin ang impresyon sa mga nag-aangkasan.

Isa pa, bakit kapag nakamotorsiklo lang naaangkop ang salitang ito? Hindi ba kahit naka-apat na gulong ang ginagamit ng dalawang tao ay riding in tandem pa rin naman yon? At lahat ba ng krimen ay kagagawan ng isa o dalawang taong nakamotorsiklo? Alam naman natin na ang mga kriminal ay madalas nakakotse rin, nakasakay sa bisikleta, o naglalakad lamang. Yung mga naglalakad nga ay di pa rin mahuli minsan.

Kay dami ng naglabasang mga panukala tungkol sa paggamit ng motorsiklo pero tila hindi nauunawaan ng ibang mga opisyal ang panig ng mga rider. Ang kukulit ninyo. Bakit ba hilig niyong pinahihirapan ang mga mamamayan tuwing nahihirapan kayong manghuli ng tamang suspek?

Sana’y maunawaan rin ito ng ibang mamamahayag at makatulong ko kayong baguhin ang di magandang impresyon ng salitang RIDING IN TANDEM.

*****

“Traffic management should not be the sole job of the government.” Iyan ang sabi ni MMDA Chairman Francis Tolentino.

Sa ilalim ng Metro Traffic Watch Program ay hihilingin nila ang tulong ng mga lokal na pamahalaan tulad ng mga barangay officials pati na rin ng civic organizations, at mga homeowners association na makipagtulungan sa pag-aayos ng daloy ng trapiko sa kani-kanilang lugar. Pati mga opisyal ng mga paaralan, residente, mga estudyante at mga traffic engineer ay kokonsultahin muna ng MMDA para pagusapan kung paano maisaayos ang daloy ng trapiko.
Pagkatapos nito ay magtatalaga sila ng community traffic aides at sasailalim sila sa traffic enforcement training sa MMDA Traffic Academy sa Sta. Mesa, Maynila bago sila maging deputized traffic enforcer.

Maging epektibo kaya itong community-based system na ito? Sana naman. Dahil ang tingin ko ay madadagdagan lang ang korupsyon o kotong at mga maaangas na traffic enforcer. Di rin ako sang-ayon sa mga estudyante na isali sa ganitong neighborhood watch. Mabuti pa ay ipagpatuloy nila ang pag-aaral at baka kung ano pa ang matutunan nila pag sila’y naging deputized traffic enforcer.

Saksi ang Acespeedline at Guanzon dealerships sa pamimigay ng Shell ng kulang-kulang P17,000.00 cash prize sa mga nagwaging Pampangueñong rider.

Si Donato Moreno ay naguwi ng grand prize na P5,000 matapos niya makapagtala ng fastest time sa obstacle course na kulang-kulang isang minute at kalahati, habang ang 2nd placer na si Marcee Yabut ay tumanggap ng P3,000.00 at ang 3rd placer na si Albert Eufemo ay P2,000.

Para sa Best Dressed-Stock category (o ang may pinakamagandang disenyo ng motor), nakatanggap ng P2,000 si Jessfer Basilio at P1,000 naman para kay Ronel Punsalan. Si Onasis Punzalan, na naka-third place ay nakatanggap ng P500. Para sa Open Category, ang mga nagwagi ay sina: Wilmer Labandria (1st), Isagani Caylao (2nd), at Bernard Laxina (3rd).

Ang lahat ng nanalo ay nakatanngap rin ng Shell Advance jacket at Shell Outlast Battery. Bonus rin naman para sa mga hindi nagwagi ngunit nakibahagi sa kumpetisyon ay ang libreng change oil na inihandog sa kanila ng Guanzon dealerships.

Ang taunang Shell Advance Solo Motorcycle and Underbone Challenge ay pinangungunahan ng Shell Advance at RACE Motorsports Club. Para sa karagdagang kaalaman, bisitahin lamang ang kanilang Facebook page na www.facebook.com/ RACE-Motorsports-Club-Slalom-Racing.

Ang pagpasok ng summer ay naging hudyat upang simulan ng Suzuki ang isa sa pinaka-aabangang football cup sa bansa. Ang kick-off game ay ginanap noong isang buwan (Marso 17)  sa Surigao Sports Complex kung saan ang Butuan City Football Association (BUFA) ang nagwagi laban sa home team ng Surigao. Sa kasalukuyan, ay nasa qualifying rounds pa lamang ang nationwide PFF-Suzuki U23 Cup, at ang huling qualifying round ay nakatakda sa Mayo 28 sa Panaad Football Stadium. Ang pagiging nationwide tournament na ito ay isa sa mga naging pangunahing kasunduan ng Suzuki Philippines at Philippine Football Federation dahil dito sa tournament na ito kukuha ang PFF ng kanilang mga football players na magiging bahagi ng Philippine team para sa SEA Games U23 cup sa 2013.

Ayon sa General Manager for Automobile ng Suzuki, ang katangi-tanging kahusayan at pagiging mapagkumbaba ng mga Filipino football players ay sumasalamin sa imahe ng Suzuki,at dagdag rin niya na ang development ng local sports ang isa sa mga isinusulong ng Suzuki. Ilan lamang sa mga produkto ng PFF-Suzuki U23 Cup noong mga nakaraang taon ay sina Joshua Beloya, Neckson Leonora, at Gerardo Valmayor III.

Samantala, isang engrandeng launch naman ang inilaan ng Suzuki para sa bagong scooter na kanilang handog para sa mga Pilipino, lalo na ngayong summer—ang Suzuki NEX. Ang 115cc scooter na ito ng Suzuki ay dinisenyo para sa mga estudyante, first-time riders, at maging sa mga first-time scooter owners. Maliban sa pagiging lightweight scooter nito, magaan din ang NEX  sa bulsa dahil sa Throttle Position Sensor (TPS) nito na siyang kumokontrol sa supply ng gas sa karburador. Ang mga internal components rin ng scooter gaya ng CVT at Magneto ay mas maliit at magaan kumpara sa ibang counterpart nito, kaya naman magaan at swabe talagang sakyan ang Suzuki NEX. Mababa rin ang seat height nito sa sukat na 735mm, para mas komportable ang pagsakay ng rider (lalo na ang mga baguhan).

Sa presscon na ginananap sa Sofitel ilang linggo na ang nakakaraan, sinabi ng Suzuki na ang Suzuki NEX ay ideal para sa mga kabataan na nagsisimula pa lamang matutong mag-motor. Patunay nito ay ang matitingkad na kulay na maaaring pagpilian sa mga NEX scooters—Pearl Flash Green, Pear Sakura Pink at Brilliant White Color. Ang Suzuki NEX ay nagkakahalaga ng PhP 60,900.

Hind mahulugan ng karayom ang World Trade Center sa Pasay noong nakaraang March 29 hanggang April 1 dahil sa dami ng bumibisita sa exhibit araw-araw.

Maliban sa 13,000 square meters indoor exhibit hall ng WTC, idinagdagdag pa ng Worldbex Services International ang isang 3,000 sq.meter fully-airconditioned tent, at inextend pa ang kanilang exhibit hanggang sa katabing building,ang PTTC (Philippine Trade Training Center). Umabot sa 30,000 sq.meters ang kabuuang sukat ng exhibit area ng 2012 MIAS, kasama na rito ang 6,000 sq.meters na outdoor at stunt performance na area. Dahil rito, ang MIAS ay itinuturing na pinakamalaking annual motoring event sa bansa.

Ngayong taon, damang-dama ang presensiya ng mga European brands gaya ng BMW, Mercedes-Benz, Maserati at MINI. Present rin ang ilang motorcycle brands gaya ng Vespa, Piaggio, at Royal Enfield na hindi rin pinalampas ng mga bumisita; ang isa namang kilalang car customization shop sa bansa ay nag-display ng kanilang bersyon ng mga negosyo vans. Kabilang naman sa mga exhibitors sa tent area ay mga aftermarket companies at iba pang kompanyang may negosyong may kinalaman sa mga sasakyan.

Present din ang mga Asian carmakers gaya ng Foton, Subaru, Toyota, Honda at Hyundai, na siyang maituturing na big winner of the year. Maliban sa pagkakaroon ng isa sa pinakamalaking exhibit area sa MIAS, ang kanilang Elantra rin ang pinarangalang 2011-2012 Car of the Year ng CAGI (Car Awards Group Inc.,).

Ang CAGI awards night ay ginanap noong unang gabi ng MIAS 2012 kung saan ang Hyundai at Mitsubishi ay humakot ng mga parangal.

Ang sumusunod ay listahan ng mga nagwagi sa bawat category:

Basic Subcompact Car – Kia Picanto 1.0 M/T
Subcompact Car – Suzuki Swift 1.4 A/T
Compact Car – Hyundai Elantra 1.8 GLS A/T
Crossover – Kia Sportage 2.0
Luxury Mid sized Car – Volvo S60 T4
Luxury Compact Crossover – MINI Countryman S
Midsize SUV 4×2 – Mitsubishi Montero Sport 4×2 M/T
Midsize SUV 4×4 – Mitsubishi Montero Sport GTV 4×4 A/T
Luxury SUV – Ford Explorer V6 AWD
Pickup 4×2 – Mitsubishi Strada 4×2 A/T
Pickup 4×4 – Mitsubishi Strada 4×4 A/T

Special Awards:

Standard Insurance Worry-Free Award – Chevrolet Cruze Diesel
BOSCH Technical Innovation Award – My Ford Touch Sync (Ford Explorer)
AAP Road Safety Award – Volvo S60
Papa J’s Best Value Award – Kia Picanto 1.0 M/T
Caltex with Techron Enjoy the Journey Award – Nissan Teana 350XV
Cartrige World iSwap iCare Award – Suzuki Swift 1.4 A/T
All Terra All Activity Vehicle Award – Toyota Hilux 3.0G 4×4
Victoria Court Most Spacious Award – Foton MPX 2.8L CRDi Long Wheelbase
Red Rock Travel Most Affordable Car Award – Lifan LF320 M/T
Speedlab Tuner’s Choice Award – Hyundai Elantra 1.6 M/T
Clark International Speedway Motorsports Award – Tuason Racing School and Ford Group Philippines (TRS Cup powered by the Ford Fiesta)

Umabot sa halos 88,600 ang dumalo sa 2012 MIAS: Life in the Fast Lane, na pinangunahan nina Alvin Uy at Jason Ang ng Worldbex Services, at ng BPI Family Autoloan.

UPANG

Bukod pa rito sinabi rin ni Bartolome, “ the PNP will strictly abide by the instruction of the Department of Justice to implement a “NO TINT” or “CLEAR WINDOW” policy among marked police vehicles in order to gain the trust and confidence of the citizenry. The move is also designated to prevent scalawags in uniform from using police cars  for their illicit activities or violating traffic regulations.” Aba, gusto ko yung huli, VIOLATING TRAFFIC REGULATIONS.

Alam na kaya ng mga pulis ito? Pamilyar naman sa ating mga motorista ang ginagawang paglabag sa batas trapiko ng mga pulis kahit na wala namang car chase o hot pursuit na nagaganap. Ang pakiramdam nila’y above the law sila. Tuluyang nadadamay ang mga matitinong pulis at militar natin.

Sa mga walang kwentang pulis ay magbasa-basa naman kayo ng mga memorandum at circular sa inyong mga istasyon o tanggapan para naman magkaroon kayo ng kwenta kahit paano. Hindi yung puro kwenta na lang ng kotong ang iniintindi niyo.

10 Rules/Guidelines on Police & Military checkpoints:

-  Dapat may signboard na  “checkpoint”, nakasuot ng uniporme ang pulis o militar, at sa gabi dapat ito’y may karampatang ilaw.

- Pag palapit na sa checkpoint ay patayin ang headlight at buksan ang ilaw sa loob ng sasakyan. Huwag bababa ng sasakyan.

- Siguraduhing naka-lock lahat ng pintuan ng sasakyan. Visual search lang ang puwedeng gawin ng mga awtoridad.

-  Huwag pumayag sa physical o body search.

- Huwag bubuksan ang kahit na anong compartment o mga kagamitan tulad ng bag.

- Sa mga pagtatanong ay sumagot lamang ng maayos. Maging magalang parati.

- Magandang alamin natin ang ating mga karapatan at iwasan rin ang pagkataranta.

- Bukod sa valid driver’s license ay dalhin rin palagi ang rehistro ng sasakyan.

- Dapat laging handang gamitin ang cellular phone kung meron para sa anumang emergency o sakuna.

- Ireport agad kung mayroong pang aabusong naganap sa checkpoint.

Sa pinakahuling guideline, irerekomenda ko po na tumawag na lang kayo sa 117 para mag-report. Huwag pupunta sa pinakamalapit na police station o military camp dahil malamang ang pagsusumbungan ninyo ay kaibigan o kasama noong nang-abuso sa inyo. Suicide ika nga.

*****

Katatapos pa lang ng Manila International Auto Show ay may bago na namang mga sasakyan tayong makikita sa susunod na linggo. Sa Biyernes ay ilalabas ng Mazda Philippines ang kanilang bagong mga produkto sa media, ang CX-5 at Mazda 3.

Kasunod nito ay ang Mazda Expo na gaganapin sa NBC Tent sa Bonifacio Global City, Taguig sa Abril 21-22.

*****

Belated Happy Birthday kay Monette Bumgarner, Roland Hermoso ng Petron Greenhills, Pebbles Hernandez, at sa batikang manunulat na si Cito Beltran. Wishing you guys good health!

Dahil dito, iminungkahi ng isang mambabatas na gawing exempted sa pagkolekta ng “Value Added Tax” ang lahat ng produktong petrolyo. Ang House Bill 6014 ay iminungkahi para sa agarang lunas ng ating mga kababayan na lalo pang naghihirap sa tumataas na presyo ng gasolina.

Tinutulak ni Cong. JV Ejercito, na hindi lang mambabatas kundi isang collector din ng mga iba’t ibang klase ng sasakyan, ang nasabing House Bill na siyang papalit sa mga hindi epektibong programa ng ating gobyerno tulad ng ”Pantawid Pasada” program.

Alam ng mga bus, jeepney, taxi operators at draybers na ang nasabing “Pantawid Pasada” program ng gobyerno ay hindi solusyon dahil mas mabilis tumaas ang presyo ng gasolina, diesel, kerosene at LPG kaysa sa mala-pagong na pagbigay ng tulong ng ating pamahalaan.

Ayon kay Cong. JV Ejerctio, ang Republic Act 9337 o ang “Expanded VAT” law ay tinulak noong taong 2004 dahil sa lumalaking utang ng ating bansa sa mga panahong yaon. Ngunit simula nuon ay nakaraos na ang ating bansa sa mga utang o “national debts” natin at panahon na para bigyan tulong ang ating mga kababayan.

Bagamat malaki ang mawawala sa tax koleksyon ng gobyerno, mas malaki naman ang maitutulong ng batas na ito sa araw-araw na pamumuhay nating mga Pilipino. Mga ka-stoplight, sa palagiang pagtaas ng presyo ng produktong petrolyo lahat tayo ay apektado, alam natin ito.

Sana maging batas ito sa lalong madaling panahon dahil malaki ang maibabawas nito sa presyo kada litro. Mahigit 12% kada litro ang maibabawas kapag naisabatas ito. Sa karaniwang presyo na P58 ng unleaded, halos P7.00 ang mababawas dito kada litro.

Suportahan natin ang mungkahing ito sa pagtawag pansin sa ating mga lokal na congressman. Padalhan sila ng sulat, tawagan o hindi kaya’y puntahan upang itulak din nila itong batas na ito.