1 patay, 1 nawawala sa nasunog na bangka sa Bohol

1 patay, 1 nawawala sa nasunog na bangka sa Bohol

June 27, 2022 @ 7:00 AM 1 month ago


MANILA, Philippines – Isa ang kumpirmadong patay sa lumubog na sasakyang pandagat makaraang masunog sakay ang 165 na indibidwal kasama ang crew at pasahero nito, ayon sa pinakahuling ulat ng Philippine Coast Guard (PCG).

Patuloy naman ang search and rescue operation sa isa pang missing habang na-rescue na ang 163 indibidwal.

Mula sa 165 na sakay ng MBCA Mama Mary Chloe, walo rito ang  crew habang 157 ang pasahero.

“Marami sa kanila ay nakauwi na, sinundo ng mga kamag-anak. ‘Yung iba naman ay kung saang LGU sila dinala ay tinutulungan naman po sila. Itong ating mga LGUs na mga nakakasakop kung saan sila dinala ay sila naman ay properly taken care of,” ani PCG spokesperson Commodore Armand Balilo.

 

Nangyari ang insidente habang naglalayag ang motorbanca sa pagitan ng dalawang Isla sa Bohol ala-1:00 ng hapon ng Linggo.

Tumulong na sa SAR operation ang BRP Cabra (MRRV-4409) katuwang ang PCG Sub-Station Bato.

Patuloy pa ring inaalam ang sanhi ng sunog.

Ang MBCA  Mama Mary Chloe ay agad lumubog matapos masunog sa gitna ng karagatan.Jocelyn Tabangcura-Domenden