10 drug personalities timbog sa Navotas City

10 drug personalities timbog sa Navotas City

July 28, 2018 @ 2:31 PM 5 years ago


Navotas City – Sampu na mga hinihinalang drug personalities ang naaresto ng mga tauhan Northern Police District (NPD) sa magkahiwalay na drug buy-bust operation  Biyernes ng gabi July 27  sa Navotas City

Kinilala ni NPD director Chief Supt. Gregorio Lim ang mga suspek na sina Sigred Lungay, 48; Dianne Manalo, 23; Sonny Lambuson, 42; Darryl Osin, 42; Brigido Membrillos, 28  at si Robert Ocampo, 23.

Nadakip  ang  mga suspek  matapos  isagawa ng mga opratiba ng District Drug Enforcement Unit (DDEU) ang  buy-bust operation  sa loob ng  Block 25, Lot 4 Phase 2 Area 4, Kaunlaran Village, Brgy. NBBS pasado alas-9:30 ng gabi laban kina Lungay at Manalo na pawang kilalang drug pusher sa kanilang lugar.

Dinakip ang mga suspek matapos na maibigay  nina  Lungay at  Manalo  ang  hawak nilang  pakete ng  shabu  sa pulis  poseur-buyer kapalit ng  P500 marked money, habang ang mga kasamahan ay tumayo naman  lookout.

Nakumpiska ng mga awtoridad kay Lungay ang isang hand grenade at umabot sa 8 transparent plastic sachets ng hinhinalang shabu na may timbang na 5.3 gramo na may  estimated market value halaga ng  P42,000

Nauna rito pasado alas 8:00 ng gabi nagsanib ang pwersa ng Navotas Police Station Drug Enforcement Unit (SDEU) at  Navotas Maritime Police kung saan naaresto ang 3 drug pushers  sa loob ng  Market 1 sa  Navotas Fish Port, Brgy. North Bay Boulevard (NBBN) sa isinagawang buy bust operation.

Si Israel Penaredona, 43, Christopher Jamero, 29 at  Rolando Fuenteblanca, 43, lahat mag residente ng  Market 1 Brgy. NBB ang nadakip matapos ibigay ang hawak nitong isang pakete ng shabu nagkahalaga ng P500 sa police poseur-buyer.

Narekober sa tatlong suspek ang 5 plastic sachets ng shabu habang si Ma. Cristina Jamero, 21, ay tinangkang makialam sa operation ng mga otoridad laya ito ay inaresto at kinasuhan ng obstruction of justice. (Roger Panizal)