10 katao kinilala ng DENR para sa community initiatives on climate and disaster resiliency

10 katao kinilala ng DENR para sa community initiatives on climate and disaster resiliency

July 12, 2021 @ 9:52 AM 1 year ago


Manila, Philippines – Inanunsyo na ng Department of Environment and Natural Resources (DENR) sa pamamagitan ng kanilang Gender and Development Office and Climate Change Service ang tatlong nanalo ngayong taon para sa “Mga Kwentong KLIMA-likasan Tungo sa Katatagan: A Climate and Disaster Resiliency Recognition Awards sa ginanap na virtual ceremony noong Hulyo 2.

Pitong kalahok din ang nabigyan ng special citation para sa mga kategoryang Youth Empowerment, Gender Empowerment, Originality, Sustainability Initiatives, Community Participation, Ecological Waste Management, at Disaster Risk Reduction.

Sa press release ayon kay DENR Secretary Roy A. Cimatu, ang 2021 Resiliency Awards ay ang pagbibigay ng pagkilala sa mga Filipino “movers and workers” na gumagawa ng pagbabago para mapalakas ang climate and disaster resiliency.

“We recognize all the winners as our environmental heroes. They, who tirelessly work to protect our environment and natural resources deserve honor and acknowledgment,” sabi ni Cimatu.

“No work and no project to save our planet are ever too small or too big because everyone can make a difference and can provide a solution to climate change – individuals, organizations, communities, and local governments,” pagdidiin pa nito.

Si Annadine Marzinares ng local government unit (LGU) ng Botolan, Zambales ang nakasungkit ng first place para sa kanyang entry na “Women Leadership, Trailblazers of Environmental Sustainability,” na nagpapakita ng mga programa at proyekto ng Botolan municipal government upang magkaroon ng environmental sustainability sa kanilang munisipalidad.

Kabilang na dito ang fabrication at installation ng artificial reef na may coral transplantation, mangrove and forest reforestation, at solid waste management.

Nakuha naman ang second place ni Reynaldo Gonzales of Office of the City Environment and Natural Resources sa Zamboanga City para sa kanyang “Greenhouse Gas Emission Reduction (GHG): Zamboanga City Initiatives for Climate Change Mitigation.”

Inilalarawan sa entry na ito na ang Zamboanga bilang isa sa model cities ay isinama ang reduction ng greenhouse gas emission bilang bahagi ng kanilang Local Climate Change Action Plan o LCCAP.

Si Maria Clarita Limbaro ng local government ng Bayabas, Surigao del Sur ang nagkamit ng third place para sa kanyang entry na “Sagip-Wakatan Program: Kwentong KLIMA-likasan ng Bayabas, Surigao del Sur.”

Ang Sagip-Wakatan program ay isang annual mangrove reforestation, replanting, at coastal cleanup initiative ng municipality ng Bayabas na layuning mapanatili at maisaayos ang mangrove cover density upang makatulong na maprotektahan ang komunidad laban sa mapaminsalang epekto ng storm surges, tidal waves, tsunami, at soil erosion.

Nagbigay din ng special citation mula sa pitong kalahok sa ginanap na virtual ceremony.

Youth Empowerment — Carvel Acabal ng National Anti-Poverty Commission’s Children Basic Sector and Kalambulan Youth Organization (KAYO) in Zamboanga del Sur para sa “KAYO: Extraordinary Youths in Extraordinary Times.”

Gender Empowerment — Nyla Cordero ng Kalayaan Organic Practitioners Association in Laguna (KOPA) para sa “Nyla Cordero’s Story: Empowering Women on Climate and Disaster Resiliency in the Community.”

Originality — Adela Jamelo of Panatao Plastic Waste Recycling Association sa Surigao del Norte para sa “From Waste to Wealth Project.”

Sustainability Initiatives — Danielle Ann Ravalo ng Graymont (Philippines) Inc. in Las Piñas City para sa “Juan Earth: Efforts in saving the only thing we all have in common.”

Community Participation — Auria Primaverde Gonzales ng Metropolitan Naga Water District (MNWD) sa Camarines Sur para sa “MNWD Integrated Watershed Management Program: The Beginning of a Promising Story.”

Ecological Waste Management — Ian Chester Solver ng Parish Youth Ministry-Basud, Youth ng Poblacion Uno-Basud, Camarines Norte para sa “Binhi ng Pag-asa (Seed of Hope).”

Disaster Risk Reduction — Zia Sagoso mula sa General Santos City para sa kanyang lahok na “Green Initiatives: A Better Life and Environment.”

Ang mga nanalo ay makatatanggap ng P50,000, P40,000 at P30,000 para sa first, second at third prizes, ayon sa pagkakasunod.

Samantala, makatatanggap naman ng P15,000 bawat isa ang ang mga special citation awardees.

Binati naman ni DENR Undersecretary Analiza Rebuelta-Teh ang mga nanalo para sa kanilang kontribusyon na sinabi pa nitong “nothing less than a mark of passion, dedication, commitment, and love for our campaigns and advocacies for the environment and our peoples.”

Nakatanggap ang DENR ng halos 100 entry mula sa iba’t-ibang sulok ng bansa para sa “Mga Kwentong KLIMA-likasan Tungo sa Katatagan: A Climate and Disaster Resiliency Recognition Awards.”  (Santi Celario)