MANILA, Philippines – Ikinumpara ni Finance Secretary Benjamin Diokno ang dalawang magkasunod na Pangulo, sina dating Pangulong Rodrigo Duterte at kasalukuyang Pangulo na si Ferdinand Marcos Jr.

Kasabay ng forum na inorganisa ng Makati Business Club, tinanong kasi si Diokno kung ano ang pagtingin ng international community sa pagitan ni Duterte at Marcos.

Bilang tugon, sinabi ni Diokno, na naglingkod din bilang Bangko Sentral ng Pilipinas governor sa nakaraang administrasyon, na mayroong malaking kaibahan sina Duterte at Marcos.

“Duterte is not as engaging as President Bongbong with the world, the rest of the world.”

“For example, he didn’t care much about Europe because Europe was putting pressure on us on human rights…,” dagdag pa niya.

Kung babalikan, makailang beses na tinira ni Duterte ang European Union dahil sa pagpuna ng mga ito sa posibilidad ng human rights violation sa bansa dahil sa anti-drug war campaign.

“Compared to Bongbong… Bongbong is more engaging with the rest of the world. He has traveled, how many times? Seven times? Yes, he’s more engaging than President Duterte,” pagbabahagi ni Diokno.

Mula nang umupo sa opisina noong 2022, bumiyahe na si Marcos sa
Indonesia, Singapore, the United States, Cambodia, Thailand, Belgium, China, at Switzerland.

Sa susunod na linggo naman ay bibisita ito sa Japan para sa isang working visit.

Sa kabila nito, nilinaw ni Diokno na “I’m not saying… he (Marcos) is more effective than Duterte.”

“Duterte has the reputation … who left office and is still very popular. His approval rating was very high for somebody who’s leaving office. That’s the difference between the two,” aniya. RNT/JGC

MANILA, Philippines – Pinagsabihan na ang social media practitioner na nasa likod ng pagpopost ng isang survey tungkol sa usaping love life sa official Facebook page ng Overseas Workers Welfare Administration (OWWA), ayon kay OWWA chief Arnell Ignacio.

Sa naturang survey, tinanong ang mga overseas Filipino workers (OFWs) kung pabor ba sila na magkaroon ng love life si Ignacio.

“This young, aggressive social media practitioner was reprimanded already,” ani Ignacio kasabay ng press briefing nitong Biyernes, Pebrero 3.

“It was all in good intention, kaya lang nilagay niya sa official page.”

Agad naman na nag-post ng disclaimer ang official Facebook page ng OWWA kung saan ang naunang post ay biglaan lamang na-post at hindi napag-isipan.

Kasunod nito ang pagsasabi na agad na tutugunan ang naturang insidente.

Ayon pa kay Ignacio, inaayos na ang grupo na nasa likod ng paghawak sa Facebook page ng OWWA.

“We have addressed this [mistake]. And when I say we all need the right information, hindi kami exempted roon. Kasali kami roon. That is why took it down already,” aniya.

Nanawagan naman si Ignacio sa publiko na tutukan lamang ang mga magagawa ng OWWA at hindi ang burado nang post ng ahensya.

“There are more significant things to turn our attention to,” sinabi pa niya. RNT/JGC

DUBAI, UAE – Maagang nasibak ang PH Strong Group sa kanilang kampanya sa 32nd Dubai International Basketball Championship matapos silatin ng Al Riyadi, 106-97, sa knockout quarterfinals sa Al Nasr Club ngayon Biyernes, oras ng Maynila.

Binura ng kinatawan ng Pilipinas ang maagang 14-point deficit, ngunit pinahintulutan ang Lebanese powerhouse team na gumawa ng late run patungo sa pag-abante sa semifinals.

Matapos simulan ang invitational tournament na may tatlong sunod na panalo, dumanas ng ikalawang sunod na pagkatalo ang Strong Group dahil nabigo ang koponan na makahanap ng sagot para kay Amir Saoud, na sumabog ng 41 puntos sa loob ng 37 minuto upang pamunuan ang Al Riyadi.

Nagdagdag si Dominic Johnson ng 23 puntos, pitong board, apat na assist, at dalawang steals na walang turnover sa loob ng 38 minuto, habang si Lebanese national team star Wael Arakji ang nag-orkestra sa opensa na may 13 puntos at apat na assist.

Nanguna si Shabazz Muhammad say Strong na may 27 puntos at pitong rebounds, habang si Renaldo Balkman ay umiskor ng 16 puntos, 15 board, tatlong assist, at dalawang block.

Nanguna sa bench si Justine Baltazar, na bigong makapagparehistro ng Korean Basketball League, na may 13 puntos, walong board, tatlong steals, at isang assist sa loob ng 29 minuto.JC

MANILA, Philippines – Isang 52-anyos na ginang ang mahaharap sa paglabag sa kasong kriminal matapos na magpalabas ang korte ng arrest warrant laban dito, sa lungsod ng Cabanatuan, Nueva Ecija.

Sa report na nakalap mula sa Nueva Ecija Police Provincial Office (NEPPO), kinilala ng pulisya ang arestadong suspek na si
Dolly Mariado y Villante, may asawa, residente ng Barangay Minabuyok, Talavera, Nueva Ecija.

Ayon sa ulat ng Talavera police station, kay Nueva Ecija director, P/Col. Richard Caballero, ganap na 8:40 ng umaga, nitong Huwebes, Pebrero 2 nang arestuhin ang sinasabing suspek ng pinagsanib na operatiba ng Warrant at Intelligence Section ng Talavera police station, katuwang ang 2nd Provincial Mobile Force Company (PMFC) at 303rd Memorandum Circular – Regional Mobile Force Battalion 3 (MC-RMFB3).

Si Mariado ay tuluyan nang nahulog sa batas matapos na ikasa ang manhunt charlie operation, sa Barangay Pag-asa, Talavera, Nueva Ecija sa bisa pa rin ng warrant of arrest na inilabas ng korte noong Enero 30 sa MTCC, Branch 2, Cabanatuan City, Nueva Ecija, sa paglabag di-umano sa BP 22 (3 Counts) (An Act Penalizing the making or drawing and Issuance of a Check) o (Bouncing Checks Law) na may criminal cases number 99288 hanggang 99290.

Napag-alaman din sa report, na ang suspek ay nakatala at kasama sa mga Most Wanted Person at nasa Rank Number 10 ng Municipal Level nang nabatid na pulisya.

Natanggap umano ng Talavera police ang sinasabing warrant noong
Enero 31, 2023 at may piyansa na halagang P18, 000.

Pansamantala, ang suspek ay nasa kustodiya ng Talavera Municipal Police Station. Elsa Navallo

MANILA, Philippines – Mapipilitang maghanap ng ibang katunggali ang dating world champion na si Nonito Donaire Jr. matapos umatras sa negosasyon ang sana ay makakalaban niyang si Jason Moloney.

Nakatakda sanang magsagupa ang dalawa para sa vacant WBC bantamweight crown na binitiwan kamakailan lang ni Naoya Inoue upang umakyat sa super bantamweight class.

Pero ayon kay WBC president Mauricio Sulaiman, wala nang interes si Moloney na habulin pa ang bantamweight title.

“The WBC has received confirmation from Top Rank that [Moloney] will not be fighting for the WBC bantamweight title,” ani Sulaiman sa ulat ng Boxingscene.

“With this letter the process of [Moloney] vs Donaire is hereby cancelled.”

Wala naman aniyang problema ito para kay Donaire na prino-promote ng Probellum.

“The good news is that Nonito Donaire is a warrior who is willing to face anyone,” ani Richard Schaefer ng Probellum. “Our stance was always the same — Nonito Donaire was going to challenge for the WBC bantamweight title.”

“We wish [Moloney] the best of luck,” ayon naman kay Sulaiman. “The WBC will be announcing future steps towards the fight for such vacant title.”JC