ZAMBALES – Nadakip ng Philippine Drug Enforcement Agency (PDEA) ang operator ng isang drug den kabilang na ang tatlong durugista matapos na kumagat sa buy-bust operation sa bayan ng Subic.

Sa ulat ng PDEA Subic Provincial Office na si Brian Baban kay Director General Wilkins Villanueva ang mga nadakip ay nakilala na s sina Edsil Salvo  alyas Jun Mata, walang asawa, 56 anyos, na siyang drug den maintainer, Edgar Gallardo, 44, Roel Tabajo, 30 at  Cristalen Bestudio, 27.

Isang ahente ng PDEA ang bumili.ng shabu at nang magka-abutan ay dito na dinakip ang mga suspek

Nakumpiska sa apat ang  limang (5)   transparent plastic sachet na naglalaman ng 15 gramo na nagkakahalaga ng Php 103,500, sari-saring paraphernalia at ang marked money na ginamit ng poseur buyer.

Nakapiit na ang mga suspek na nahaharap kasaong pagpabag sa RA9165 o ang Comprehensive Dangerous Drugs Act of 2002. Jan Sinocruz

MANILA, Philippines – Hinimok ng Department of the Interior and Local Government (DILG) ang mga local government unit (LGUs)  sa bansa na magpasa ng mga ordinansa hinggil sa pagpapatupad ng “No CCTV, no business permit” policy.

Ayon kay DILG Secretary Eduardo Año, Chairperson ng National Peace and Order Council, ngayong bumabalik na ang mga mamamayan sa kanilang pre-pandemic ways, dapat na maging prayoridad ng mga LGU ang kaligtasan ng publiko.

Magiging malaking tulong aniya sa pagtiyak ng public safety, kung gagawing requirement ng mga lungsod at munisipalidad ang paglalagay ng mga closed-circuit television (CCTV) systems, sa pagkuha ng business permits ng mga establisimyento na mayroong malaking bilang ng mga kostumer, at yaong mga risk o hazard-prone.

“CCTVs are applicable technologies that should be utilized to keep criminal activities and their perpetrators at bay. Ngayon ang tamang panahon para i-require ang mga negosyo na mag-install ng CCTV.  People are going out of their homes and in various establishments nowadays due to lower COVID-19 cases and a CCTV system is a powerful tool that can aid LGUs in ensuring public safety,  deterring crimes, and identifying and apprehending culprits,” saad ni Año.

“Kailangang pangunahan ito ng LGU partikular ng kanilang Sanggunian sapagkat malaki ang ambag nito [CCTVs] sa laban natin kontra kriminalidad,” dagdag pa ng kalihim

Sa pamamagitan ng DILG Memorandum Circular (MC) No. 2022-060, sinabi ni Año na kabilang sa mga establisimyento na dapat na mayroong CCTVs ay yaong mga financial establishments gaya ng mga bangko, pawnshops, money lenders, at money remittance services at mga kahalintulad nito; mga business establishments na maraming sangay; shopping malls, shopping centers, supermarkets, wet markets; at, medical facilities, klinika at laboratory.

Kasama rin ang mga lugar na  entertainment gaya ng mga theaters, movie houses, perya, internet cafes, arcades at iba pang lugar na nakahihikayat ng maraming kostumer; airports, public transportation terminals, parking lots at mga kahalintulad na establisimyento na pinupuntahan ng maraming sasakyan, gaya ng car dealerships, gasoline stations, vehicle maintenance/service stations; at iba pang kahalintulad na establisimyento na maaaring mangailangan ng CCTV cameras.

Malaki  aniya ang tulong ang mga CCTV footages sa pagresolba sa mga krimen, na napatunayan ito noong mga nakalipas na panahon. Jan Sinocruz

MANILA, Philippines – Nag-anunsyo na kani-kanilang bawas-presyo sa petrolyo ang mga kumpanya ng langis.

Sa abiso, magpapatupad ang Chevron Philippines Inc. (Caltex), Pilipinas Shell Petroleum Corp. at Seaoil Philippines Inc. ng dagdag na P3.95 sa kada litro ng gasoline habang magtatapyas sila ng P2.30 sa diesel at P2.45 sa kerosene.

Parehong price adjustment din ang ipatutupad ng Cleanfuel, Petro Gazz, at Unioil Petroleum Philippines Inc.

Epektibo ang dagdag-bawas sa krudo alas-6:00 ng umaga bukas, Mayo 24 maliban sa Caltex na mas maagang magpapatupad ng price adjustment ng hatinggabi at ang Cleanfuel na alas-8:01 naman ng umaga.

Ito na ang ika-anim na linggong nagpatupad ng rollback sa krudo ngayong 2022. RNT/ JCM

MANILA, Philippines – Kinumpirma mismo ni presumptive president Ferdinand “Bongbong” Marcos Jr. na inalok niya si dating Economic Planning Secretary Arsenio Balisacan na pamunuan muli ang National Economic Development Authority (NEDA).

“I have also tapped an old friend who’s also formerly in this position, Arse Balisacan, who is our former NEDA and I’ve asked him to return to NEDA,” saad ni Marcos sa press conference sa kanyang headquarters sa Mandaluyong City.

“I’ve worked with him extensively at the time when I was governor, we have very similar thinking in that regard kaya’t malakas ang loob ko, I know he’s very competent, I know his policies are policies that will be for the betterment of our country,” dagdag niya.

“For employment, for the development of our economy, nag-usap kami ng ilang oras at mukha namang tumutugma ang aming pag-iisip patungkol sa approach natin dito sa darating na mga taon when it comes to economic managers…” aniya pa.

Nabatid na nagsilbing NEDA chief si Balisacan sa ilalim ng administrasyon ni late President Benigno “Noynoy” Aquino III.

Samantala, binanggit din ni Marcos sa press conference na nais niyang pamunuan muli ni Bienvenido Laguesma ang Department of Labor and Employment (DOLE) habang si OFW advocate Susan “Toots” Ople bilang kalihim ng bagong Department of Migrant Workers (DMW).

Una nang sinabi ni Marcos na si presumptive Vice President Sara Duterte ang magsisilbing kalihim ng Department of Education habang si dating Metropolitan Manila Development Authority (MMDA) chairman Benhur Abalos sa Department of the Interior and Local Government (DILG).

Tinanggap na rin ng tagapagsalita nito na si Atty. Vic Rodriguez ang alok na maging cabinet secretary gayundin si Cavite 7th District Rep. Boying Remulla bilang kalihim ng Department of Justice (DOJ). RNT/ JCM

BULACAN – Arestado ang isang 27-anyos na teacher matapos gahasain ang nakainuman na dalagang call center agent sa bayan ng Norzagaray.

Kinilala ang suspek na si Glenn Solis ng Brgy. Partida, Norzagaray habang ang biktima ay itinago sa pangalang “Alayza”, 19-anyos ng Brgy.Encanto, Angat.

Sa report ng Norzagaray police, nangyari ang insidente bandang ala-1:00 ng madaling araw nitong Linggo, Mayo 22 sa bahay ng suspek.

Ayon sa report, magkasama ang suspek at biktima at ilang mga kaibigan na nag-inuman sa isang restobar.

Sa kasagsagan ng inuman ay nakaramdan ng pagkahilo si Alyza hanggang sa yayain ng suspek na umuwi na sila ng bahay.

Lingid sa kaalaman ng biktima ay dinala siya sa bahay ng suspek.

Nang makarating sa bahay ay doon siya inumpisahang halikan, hubaran at ipasok ang dalawang daliri ng suspek sa puwit ng dalaga.

Matapos ang insidente at mahimasamasan,umuwi ang biktima at nagsumbong sa kanyang kapatid na lalaki hanggang sa humingi sila ng saklolo sa pulisya kaya nahuli ang suspek kalaunan.

Nakatakdang ipasuri ang biktima sa Regional Forensic Unit para sa kanyang medico legal habang ang suspek na nakakulong ay nahaharap sa kasong rape. Dick Mirasol III