10 sugarol huli sa lamayan

10 sugarol huli sa lamayan

January 22, 2022 @ 1:03 PM 8 months ago


Cagayan-Huli sa akto ang 10 sugarol sa isang lamayan nang salakayin ng  pulisya  sa Gabun,  Lasam,  Cagayan.

Dakong 11:00 ng gabi ng salakayin ng operatiba ng kapulisan ang  lamayan  ng namatay  na  isang  Zara  Elia  Rumbaoa  kung saan  may   dalawang  lamesa   ang  ginagawang pasugalan  ng  mga  ito.

Ang  mga  naarestong  nagsusugal  ng  tinatawag  nilang  nine-nine  ay  sina   Christian  Magulod   30  anyos residente  ng barangay Finugo  Norte  at  Joseph  Udarbe  53  anyos.  Nakatakas  ang  dalawang  kalaro  nina  Magulod  at  Udarbe  na  kinilalang  sina  Christopher  Umbrero  at   Rey  Tariga  pawang  mga residente  din  ng  Gabun.

Ang  walong  nahuli  namang  nagbi-bingo ay  sina   Mrs. Sonia  Orpilla,  56, anyos, Mrs. Resurreccion  Uragay  58  anyos,  Mrs. Maribel Tomas 54  anyos, Mrs. Sherly Cantor  53 anyos,  Mrs. Anabel Danao  35 anyos, Mrs. Amelia Damo   32 anyos,Mrs. Gloria  Inay  52  anyos  at  si Mrs. Susana  Orio  51  anyos, mga residente  din sa  nasabing  lugar.

Ang  dalawa  namang  nakatakas  na  kalaro  sa bingo  ng walong misis  ay  naklilala sa  mga  pangalang  Alma Orpilla  at  Teresita Lasam.

Iginiit  ng pulisya  na  maliban sa  bawal  ang  pagsusugal  sa lamayan  ngayong  panahon  ng pandemya  hindi  na rin  nasunod  ng  mga  ito  ang minimum health protocol  dahil  sa  magkakatabi  naman  sila  habang  nagsusugal.

Nasamsam   sa  operasyon  ang  patayang aabot  ng  970  pesos, isang set  ng  baraha  at kumpletong bingo  paraphernalia. Kinuhang  witness  sa isinagawang imbentaryo sa  mga  nasamsam  na ebidensiya  ang  isang  barangay  kagawad  ng Gabun.

Nahaharap sa magkahiwalay  na  kasong  paglabag sa  RA 9287  o  illegal  gambling  law  at RA 11332. (REY VELASCO)