14 COVID cases naitala sa Malabon

14 COVID cases naitala sa Malabon

July 12, 2021 @ 1:45 PM 1 year ago


MANILA, Philippines – Bagama’t walang naiulat na namatay sa Malabon City  dahil sa pandemya at nanatili sa 453 ang COVID death toll ng lungsod ay dumarami rin ang nagkakasakit sa lungsod.

Ayon sa City Health Department, 14 ang nadagdag na confirmed cases habang dadalawa lamang ang gumaling.  Sa  kabuuan ay 13,638 ang positive cases sa siyudad, 163 dito ang active cases.

Ang mga bagong kaso ay naitala mula sa Barangays Catmon (1), Longos (5), Muzon (1), Panghulo (1), Tinajeros (4), at Tonsuya (2).  Ang mga gumaling naman ay buhat sa Barangay Longos (1) at Tonsuya (1). Sa kabuuan ay 13,022 ang recovered patients ng Malabon. Merly Iral