LANAO DEL SUR- Nakabalik na sa kanilang command post sa Bukidnon ang 39 miyembro ng 1st Special Forces Battalion matapos harangin ng mga kasapi ng Moro Islamic Liberation Front (MILF) makaraan mapagkamalan na New People’s Army (NPA) noong Martes sa probinsyang ito.

Paglilinaw ni Philippine Army spokesperson Colonel Xerxes Trinidad, napagkamalan lamang ng mga MILF ang mga sundalo na teroristang grupo na minsan at nagpapanggap na tropa ng pamahalaan.

Aniya, nagkaroon ng verification process para patunayan na totoong kasapi ng PA ang 39 na sundalo para maiwasan na magkaroon ng engkuwentro.

Sinabi pa ni Trinidad na nagkaroon ng koordinasyon ang militar sa MILF sa lahat ng isasagawa nilang operasyon lalo na sa mga liblib na lugar.

Dagdag pa ni Trinidad na maaaring mahina ang signal sa lugar kaya nagkaroon ng miscommunication.

Nagtungo sa Lanao del Sur ang 1st Special Forces Battalion ng 403rd Brigade, na nasa ilalim ng Eastern Mindanao Command (Eastmincom), bilang tugon sa impormasyon tungkol sa mga miyembro ng NPA sa lugar.

Dagdag pa ni Trinidad na nagkaroon ng koordinasyon ang Army sa Western Mindanao Command (Westmincom), na sumasaklaw sa Lanao del Sur, para sa pagpapalawak ng area of cooperation ng brigada.

“Kung mapapansin niyo sa parte po ng Bukidnon itong under ng 403rd Brigade. Parte po ng Lanao del Sur, na-coordinate po natin yan dito sa Westmincom. Kung saan po coordinated din po ‘yan sa ating mga kasamahan sa MILF,” ani pa Trinidad.

“Para matiyak ang kaligtasan ng mga tropa ng AFP, ang MILF-BIAF ay nagpalipas ng gabi muna ang mga ito sa ligtas na lugar. Ang militar at MILF ay magkatuwang sa pagsugpo sa mga teroristang grupo at matuldukan ang karahasan,” dagdag pa ni Trinidad. Mary Anne Sapico

MANILA, Philippines- Makararanas ang bahagi ng Taytay, Angono, at Binangonan sa Rizal Province ng hanggang anim na oras na water service interruption mula alas-10 ng gabi sa Feb. 9.

Sa water service advisory ng Manila Water, inanunsyo ng water concessionaire announced na mawawalan ng tubig sa bahagi ng Barangay San Juan sa Taytay simula alas-10 ng gabi sa Feb. 9, Huwebes, hanggang alas-4 ng madaling araw sa Biyernes, Feb. 10.

Magreresulta ang pipe maintenance works ng Manila Water personnel sa Summerfield Villas area sa Barangay San Juan, Taytay, sa kawalan ng tubig.

Simula alas-11 ng gabi sa Feb. 9, magsasagawa rin ng scheduled line meter replacement works ang Manila Water sa Valle Street, Jupiter Street, at Javier Compound, sa Taytay, na magreresulta sa water service interruption hanggang alas-5 ng umaga sa Feb. 10.

Sa Angono, magkakaroon naman ng line replacement activity ang Manila Water sa San Lorenzo Ruiz  sa harap ng McDonald’s Angono na magreresulta sa water service disruption sa Feb. 9 simula alas-10 ng gabi sa bahagi ng Barangay Kalayaan. Nakatakdang ibalik ang water service pagsapit ng alas-4 ng madaling araw sa Feb. 10.

Sa Binangonan, inaasahang magsisimula ang scheduled water service interruption dakong alas-10 ng gabi sa Feb. 10 hanggang alas-4 ng madaling araw sa Feb. 11, Sabado, sa bahagi ng Barangay Pantok at Barangay Bilibiran. RNT/SA

MANILA, Philippines- Naupo si Vice President at Education Secretary Sara Duterte bilang presidente ng Southeast Asian Ministers of Education Organization (SEAMEO) nitong Miyerkules.

Sa opening ceremony ng SEAMEO Council Conference, si Duterte na kinatawan ng Pilipinas ang itinalagang pinuno ng  international agency mula sa Singapore.

Sa kanyang talumpati, hinikayat ni Duterte ang member countries na umaksyon na at resolbahin ang mga umiiral na isyu sa ASEAN education systems.

“In all of these, one thing is clear: we need to act now. We cannot afford to waste more time,” giit niya.

“As education leaders, we cannot allow ASEAN children to miss out on the beauty and benefits of learning, and the wonders of being able to use it positively to impact ASEAN and the world,” dagdag ni Duterte.

Kinilala rin ni Duterte na “learning poverty has worsened,” batay sa UNICEF report kung saan nakasaad na mahigit kalahati ng1 edad 10 sa low at middle income nations ang hindi marunong magbasa at makaintindi ng kwento kahit pa bago magsimula ang pandemya.

Inilatag din ni Duterte ang “MATATAG” agenda kung saan kabilang ang mga inisyatiba para oagbutihin ang curriculums, pabilisin ang paghahatid ng basic education facilities at supplies, at pagsusulong ng inclusive education at mas mainam na suporta para sa mga guro.

“As the SEAMEO Council convenes today, I urge everyone to embrace the spirit of bayanihan, keeping in mind who is at the heart of the work that we do: our ASEAN learners,” pahayag ni Duterte.

Huling pinamunuan ng Pilipinas ang SEAMEO Council sa ilalim ng termino ni dating Education Secretary Bro. Armin Luistro noong 2010.

Ang SEAMEO ay isang international group na naglalayong pag-igihin ang “regional understanding and cooperation in education, science and culture for a better quality of life in Southeast Asia.”

Inaasahang pangungunahan ng Pilipinas ang council mula 2023 hanggang 2025. RNT/SA

MANILA, Philippines- Napag-alaman sa nationwide survey ng Social Weather Stations (SWS) na ang kawalan ng trabaho sa Pilipinas “hardly moved”, kung saan halos 9.6 milyong Pilipino ang walang trabaho hanggang nitong Disyembre 2022.

Inihayag ng SWS nitong mIyerkules na sa lumabas sa poll ang joblessness sa 21.3% ng adult labor force, bahagyang mas mataas kumpara noong October at June sa 18.6% at 20.8%.

Sinabi ng SWS na kumakatawan ito sa 9.6 milyong jobless adults, mula sa 8.8 milyon noong October 2022.

Pinakamataas ang kawalan ng trabaho sa Metro Manila sa 24.8%, sinundan ng Balance Luzon sa 23.1%, Visayas sa 18.6%, at Mindanao sa 18.1%.

Bagama’t bumaba ang annual average joblessness sa lahat ng lugar, walang naitalang improvement sa Mindanao.

Samantala, ang labor force participation rate ng survey– saklaw ang adults (18 taon pataas) na may trabaho at naghahanap nito– ay bumaba sa 62.6%, o tinatayang 45.2 milyon.

Isinagawa ang survey mula Dec. 10 hanggang 14, kung saan nagsagawa ng panayam sa 1,200 adults sa Metro Manila, Balance Luzon, Visayas, at Mindanao. Mayroon itong sampling error margins na ±2.8% para sa national percentages. RNT/SA

MANILA, Philippines- Dumating na ang 83-man Philippine rescue team sa Istanbul, Turkey nitong Huwebes, ayon sa Office of Civil Defense (OCD).

Sinabi ni OCD Joint Information Center head Diego Agustin Mariano na kumapag ang eroplano ng alas-12:08 ng tanghali, Philippine time.

Inisyal na 87 ang miyembro ng Philippine contingent subalit nagkaroon ng isyu ang apat sa documentation.

“There were 87 original personnel given to [Defense Secretary Carlito Galvez Jr.], but two from the OCD did not join due to lack of travel documents and the latest two from the MMDA (Metropolitan Manila Development Authority) did not also join also because of lack of documents,” pahayag ni Mariano.

Kabilang sa 83-man team ang military at medical personnel kasama ang mga miyembro ng MMDA.

Umabot na ang mga nasawi dahil sa magnitude 7.8 na lindol sa Turkey at Syria sa mahigit 15,000 indibidwal. RNT/SA