18 opisyal, empleyado ng BI na dawit sa ‘pastillas scheme’ sisibakin sa pwesto

18 opisyal, empleyado ng BI na dawit sa ‘pastillas scheme’ sisibakin sa pwesto

June 10, 2022 @ 5:12 PM 3 weeks ago


MANILA, Philippines- Sisibakin sa pwesto ang 18 opisyal at empleyado ng Bureau of Immigration dahil sa pagkakadawit sa “pastillas scheme,” o iligal na pagpapapasok sa mga Chinese national sa Pilipinas.

Ayon kay Justice Assistant Secretary Neal Bainto, natukoy ng DOJ na “administratively liable” ang BI personnel para sa Grave Misconduct, Gross Neglect of Duty, at Conduct Prejudicial to the Best Interest of the Service kaugnay ng modus.

“The 18 respondents have been meted the penalty of Dismissal from the Service, with the imposition of the proper accessory penalties,” pahayag ni Bainto.

Aniya, ang pagkakasibak sa pwesto ay may kalakip na perpetual disqualification mula sa anumanh public office.

Kabilang sa mga napatalsik sa opisina sina Francis Dennis Robles, Glen Ford Comia, Rodolfo Magbuhos Jr., Deon Carlo Albao, Danieve Binsol, Paul Erik Borja, Abdul Fahad Calaca, Anthony Lopez, Gabriel Ernest Estacio, Chevy Chase Naniong, Danilo Deudor, Ralph Ryan Garcia, Phol Villanueva, Fidel Mendoza, Benlando Guevarra, Bradford Allen So, Cecille Jonathan Orozco, at Erwin Ortañez.

Sa ilalim ng naturang pastillas scheme, pinapayagan ang Chinese nationals na makapasok sa bansa kahit na hindi dumaan sa Immigration kapalit ang halagang P10,000.

Nagmula ang tawag na “pastillas” dahil ang suhol ay iniaabot nang naka-rolyo at katulad ng nasabing pagkain.

 Philippine delicacy.

Nagsampa abg Office of the Ombudsman nitong Martes ng graft charges laban sa 42 BI personne na umano’y sangkot sa iligal na gawain. RNT/SA