INDIA – Umakyat na sa 35 ang bilang ng mga nasawi nang gumuho ang isang Hindu temple sa India.

Sa kasalukuyan ay nagpapatuloy ang rescue operations sa gumuhong sahig ng naturang templo, kasabay ng pagdagsa ng mga mamamanata sa isang major religious holiday nitong Huwebes, Marso 30.

“Thirty-five people are dead. One person is still missing. Rescue operations are on,” sinabi ni Indore district magistrate Ilayaraja T. told.

Ani Prime Minister Narendra Modi, labis siyang nasaktan sa nabalitaan.

“The state government is spearheading rescue and relief work at a quick pace,” dagdag niya.

“My prayers with all those affected and their families.”

Ayon kay Modi, magbibigay sila ng kompensasyon na 200,000 rupees o $2,400 sa pamilya ng mga biktima.

Nagpapatuloy na ang imbestigasyon sa nangyaring insidente. RNT/JGC

MANILA, Philippines- Isinakdal si Donald Trump ng Manhattan grand jury, ayon sa ilang source– sa unang pagkakataon sa kasaysayan ng Amerika na naharap sa criminal charges ang kasalukuyan o dating presidente nito.

Ikinasa ang indictment “under seal” at iaanunsyo sa mga susunod na araw. Hindi pa matutukoy ang kaso sa ngayon, ayon sa isang source.

Makikipag-ugnayan naman ang opisina ni Manhattan District Attorney Alvin Bragg sa mga abogado ni Trump para talakayin ang kanyang pagsuko para humarap sa arraignment.

Wala pang komento ang panig ng Trump hinggil dito.

Iniimbestigahan ng DA’s office ang dating presidente kaugnay ng papel umano niya sa hush money payment scheme at cover-up sangkot ang adult film star na si Stormy Daniels noong 2016 presidential election.

Matatandaang tiniyak ni Trump na muling tatakbo sa pagka-presidente kahit na sa harap ng criminal charges.

Madalas tawaging “witch hunt” ni Trump ang iba’t ibang imbestigasyon sa kanya. Sa naiulat na nalalapit na indictment, hinikayat ni Trump ang kanyang supporters na iprotesta ang pag-aresto sa kanya. RNT/SA

VATICAN CITY – Dinala sa isang ospital sa Rome si Pope Francis, 86-anyos dahil sa respiratory infection dahilan para kinailangan muna niyang mamalagi sa ospital ng ilang araw.

“In recent days Pope Francis has complained of some breathing difficulties,” sinabi ni Vatican spokesman Matteo Bruni sa isang pahayag.

Ang Papa ay dinala sa Gemelli hospital para sa ilang medical checks kaugnay ng isang “respiratory infection… that will require a few days of appropriate hospital medical treatment”, ani Bruni.

Bago nito ay sinabi na ng Vatican na dinala si Pope Francis sa ospital “for some previously scheduled checks.”

Ito na ang ika-10 taon ng panunungkulan ni Pope Francis bilang pinuno ng Simbahang Katolika, kung saan kamakailan ay nakita pa siyang nakikisalamuha sa publiko.

“Pope Francis is touched by the many messages received and expresses his gratitude for the closeness and prayer,” pahayag pa ni Bruni.

Ayon sa source sa Vatican, kinansela na ang mga appointments ng Santo Papa na nakatakda Huwebes ng umaga, Marso 30, oras sa Vatican. RNT/JGC

UKRAINE – Inimbitahan ni Ukrainian President Volodymyr Zelensky si Chinese President Xi Jinping na bumisita sa kanilang bansa, iniulat ng Associated Press nitong Miyerkules, Marso 29.

“We are ready to see him here,” pahayag ni Zelensky.

Hindi pa nakipag-usap si Xi kay Zelensky mula nang sakupin ng Russia ang Ukraine noong Pebrero 2022, ngunit naglathala ang China ng 12-point plan para sa isang ” political resolution of the Ukraine crisis” noong nakaraang buwan.

Binanggit ni Xi ang gusot ng Ukraine at Russia sa kanyang kaibigan na si Russian President Vladimir Putin, habang nasa state visit ito sa Moscow noong nakaraang linggo, bagama’t hindi nakitaan ng epekto ng pagtatapos ng giyera ang naturang pag-uusap.

Laman ng proposal ng China ang panawagan para sa de-escalation at ceasefire sa Ukraine.

Kinontra naman ng Estados Unidos ang proposal lalo pa’t tumanggi ang China na kondenahin ang Russia sa pananakop nito sa Ukraine. RNT/JGC

MANILA, Philippines- Ini-update ng World Health Organization (WHO) nitong Martes ang rekomendasyon nito sa COVID-19 vaccination, at hinikayat ang mga mamamayan sa high-risk populated areas na magpaturok ng additional dose isang taon matapos ang huling booster.

Base sa WHO, nirebisa ng Strategic Advisory Group of Experts on Immunization (SAGE) nito ang “roadmap for prioritizing the use of COVID-19 vaccines, to reflect the impact of Omicron and high population-level immunity due to infection and vaccination.”

“Updated to reflect that much of the population is either vaccinated or previously infected with COVID-19, or both, the revised roadmap reemphasizes the importance of vaccinating those still at risk of severe disease, mostly older adults and those with underlying conditions, including with additional boosters,” pahayag ni SAGE Chair Dr. Hanna Nohynek.

Sinabi ng WHO na kabilang sa high-priority group ang older adults, younger adults na may comorbidities, people with immunocompromising conditions kabilang ang 6 buwan pataas na mga bata, buntis, at frontline health workers.

Para sa high-priority group, inirerekomenda ng ahensya ang karagdagang dose ng bakuna anim hanggang 12 buwan matapos ang huling dose, batay sa edad at immunocompromising conditions.

Samantala, tinukoy ng WHO ang “low priority group” members bilang malusog na kabataan. Inirekomenda rin ng ahensya sa mga bansa na pag-aralan ang ilang salik gaya ng disease burden bago hikayatin ang bakuna para sa grupo.

Hindi na rin inirerekomenda ng ahensya ang karagdagang boosters, bukod sa inisyal na dalawang bakuna at isang booster, para sa mga indibidwal na kabilang sa medium-risk group – healthy adults na karaniwang mas bata sa 50 hanggang 60 na walang comorbidities at mga kabataang may comorbidities.

Bukod sa pagbabago sa inirerekomendang doses, binago rin ng SAGE ang rekomendasyon sa bivalent COVID-19 vaccines. Inirerekomenda na ngayon ng ahensya sa mga bansa na ikonsidera ang paggamit ng BA.5 bivalent mRNA vaccine para sa primary series ng doses. RNT/SA