VATICAN CITY – Dinala sa isang ospital sa Rome si Pope Francis, 86-anyos dahil sa respiratory infection dahilan para kinailangan muna niyang mamalagi sa ospital ng ilang araw.

“In recent days Pope Francis has complained of some breathing difficulties,” sinabi ni Vatican spokesman Matteo Bruni sa isang pahayag.

Ang Papa ay dinala sa Gemelli hospital para sa ilang medical checks kaugnay ng isang “respiratory infection… that will require a few days of appropriate hospital medical treatment”, ani Bruni.

Bago nito ay sinabi na ng Vatican na dinala si Pope Francis sa ospital “for some previously scheduled checks.”

Ito na ang ika-10 taon ng panunungkulan ni Pope Francis bilang pinuno ng Simbahang Katolika, kung saan kamakailan ay nakita pa siyang nakikisalamuha sa publiko.

“Pope Francis is touched by the many messages received and expresses his gratitude for the closeness and prayer,” pahayag pa ni Bruni.

Ayon sa source sa Vatican, kinansela na ang mga appointments ng Santo Papa na nakatakda Huwebes ng umaga, Marso 30, oras sa Vatican. RNT/JGC

UKRAINE – Inimbitahan ni Ukrainian President Volodymyr Zelensky si Chinese President Xi Jinping na bumisita sa kanilang bansa, iniulat ng Associated Press nitong Miyerkules, Marso 29.

“We are ready to see him here,” pahayag ni Zelensky.

Hindi pa nakipag-usap si Xi kay Zelensky mula nang sakupin ng Russia ang Ukraine noong Pebrero 2022, ngunit naglathala ang China ng 12-point plan para sa isang ” political resolution of the Ukraine crisis” noong nakaraang buwan.

Binanggit ni Xi ang gusot ng Ukraine at Russia sa kanyang kaibigan na si Russian President Vladimir Putin, habang nasa state visit ito sa Moscow noong nakaraang linggo, bagama’t hindi nakitaan ng epekto ng pagtatapos ng giyera ang naturang pag-uusap.

Laman ng proposal ng China ang panawagan para sa de-escalation at ceasefire sa Ukraine.

Kinontra naman ng Estados Unidos ang proposal lalo pa’t tumanggi ang China na kondenahin ang Russia sa pananakop nito sa Ukraine. RNT/JGC

MANILA, Philippines- Ini-update ng World Health Organization (WHO) nitong Martes ang rekomendasyon nito sa COVID-19 vaccination, at hinikayat ang mga mamamayan sa high-risk populated areas na magpaturok ng additional dose isang taon matapos ang huling booster.

Base sa WHO, nirebisa ng Strategic Advisory Group of Experts on Immunization (SAGE) nito ang “roadmap for prioritizing the use of COVID-19 vaccines, to reflect the impact of Omicron and high population-level immunity due to infection and vaccination.”

“Updated to reflect that much of the population is either vaccinated or previously infected with COVID-19, or both, the revised roadmap reemphasizes the importance of vaccinating those still at risk of severe disease, mostly older adults and those with underlying conditions, including with additional boosters,” pahayag ni SAGE Chair Dr. Hanna Nohynek.

Sinabi ng WHO na kabilang sa high-priority group ang older adults, younger adults na may comorbidities, people with immunocompromising conditions kabilang ang 6 buwan pataas na mga bata, buntis, at frontline health workers.

Para sa high-priority group, inirerekomenda ng ahensya ang karagdagang dose ng bakuna anim hanggang 12 buwan matapos ang huling dose, batay sa edad at immunocompromising conditions.

Samantala, tinukoy ng WHO ang “low priority group” members bilang malusog na kabataan. Inirekomenda rin ng ahensya sa mga bansa na pag-aralan ang ilang salik gaya ng disease burden bago hikayatin ang bakuna para sa grupo.

Hindi na rin inirerekomenda ng ahensya ang karagdagang boosters, bukod sa inisyal na dalawang bakuna at isang booster, para sa mga indibidwal na kabilang sa medium-risk group – healthy adults na karaniwang mas bata sa 50 hanggang 60 na walang comorbidities at mga kabataang may comorbidities.

Bukod sa pagbabago sa inirerekomendang doses, binago rin ng SAGE ang rekomendasyon sa bivalent COVID-19 vaccines. Inirerekomenda na ngayon ng ahensya sa mga bansa na ikonsidera ang paggamit ng BA.5 bivalent mRNA vaccine para sa primary series ng doses. RNT/SA

CIUDAD JUAREZ, Mexico- Patay ang 39 migrants mula sa Central at South America sa sunog  nitong Lunes sa isang migrant holding center sa Mexican northern border city ng Ciudad Juarez, na umano’y dulot ng protesta sa deportasyon, ayon sa mga opisyal nitong Martes.

Patay ang 28 na hinihinalang Guatemalans, base sa foreign ministry ng Guatemala.

Inihayag ni Mexican President Andres Manuel Lopez Obrador na naniniwala ang mga awtoridad na naganap ang sunog sa lungsod sa tapat ng El Paso, Texas matapos sunugin ng ilang migrant ang mga mattress bilang pagprotesta nang madiskubreng ide-deport sila.

“They didn’t think that would cause this terrible tragedy,” sabi ni Lopez Obrador, at binanggit na karamihan sa mga migrant sa pasilidad ay mula sa Central America at Venezuela.

Sa kabuuan, mayroong 68 adult men galing Central at South America na nananatili sa pasilidad, ayon sa Mexico’s National Migration Institute (INM).

Sa bilang na ito, 29 ang sugatan at dinala sa apat na ospital sa lugar, base sa INM.

Naganap ang pagliyab sa gitna ng pagtugon ng US at Mexico sa record levels ng  border crossings ng mga migrante.

Sa mga nakalipas na linggo ay naobserbahan ang pagdami ng migrants sa Mexican border cities sa pagsisikap ng mga awtoridad na iproseso ang asylum requests gamit ang bagong US government app na kilala bilang CBP One.

Pakiramdam ng mga migrante, masyadong matagal ang proseso, at nito lamang buwan, nagkagulo ang ilang migrants at US officials sa border matapos madismaya sa pagkuha ng asylum appointments.

Isa ang sunog sa Ciudad Juarez sa deadliest incidents na tumama sa mga migrant ng Mexico sa nakalipas na mga dekada. RNT/SA

MANILA, Philippines- Inanunsyo ni Elon Musk nitong Lunes na tanging verified Twitter accounts na lamang ang maaaring bumoto sa polls simula April 15, na ayon sa CEO ng social media company ay makatutulong sa pagtugon sa AI bots.

Sinabi rin ni Musk na tanging verified accounts na lamang ang eligible para sa Twitter’s For You recommendations, kung saan idini-display ang stream ng tweets mula sa mga account sa Twitter.

Hindi agad nagkomento ang Twitter hinggil dito.

Nitong nakaraang taon, sinabi ni Musk na lilimitahan ng Twitter ang pagboto sa policy-related polls sa nagbabayad na Twitter Blue subscribers. RNT/SA