2 bigtime tulak timbog sa P3.5M tobats

2 bigtime tulak timbog sa P3.5M tobats

November 30, 2022 @ 1:42 PM 2 months ago


MANILA, Philippines – Arestado ang dalawang big-time na tulak ng droga na nasamsaman ng P3.4 milyon halaga ng droga sa isang anti-drug operation sa Lanao del Sur.

Kinilala ni Col. Richard Verceles, operations chief ng Area Police Command – Western Mindanao, ang mga suspek na sina Jamel Sandulog Mabpan, 34, at Daud Tidong Lios, 41, na naaresto sa Purok 2, Barangay Eastern sa Wao, Lanao del Sur mga 1 p.m. sa Martes, matapos bentahan ang isang undercover agent.

Nasamsam ang humigit-kumulang 500 gramo ng hinihinalang shabu na nakaimpake sa limang transparent plastic packs, anim na bundle ng photocopied PHP1,000 bills na may kasamang isang genuine PHP1,000 bill bilang buy-bust money, isang cellular phone, at isang motorsiklo.

Inihahanda na ang kasong paglabag sa Republic Act 9165, o mas kilala bilang Comprehensive Dangerous Drugs Act of 2002, laban sa mga suspek na inilagay sa kustodiya ng PDEA sa Bangsamoro Autonomous Region in Muslim Mindanao. RNT