2 kulong sa magkahiwalay na buy-bust sa N. Ecija

2 kulong sa magkahiwalay na buy-bust sa N. Ecija

July 7, 2021 @ 11:47 AM 1 year ago


Manila, Philippines – Arestado ang isang 27-anyos na lalaki makaraan na magtakda ang mga kapulisan ng manhunt charlie operation, sa Barangay San Francisco, San Antonio, Nueva Ecija kahapon, July 6.

Sa ulat na nakarating sa tanggapan ni Nueva Ecija director, Col. Jaime O. Santos, kinilala ang arestadong suspek na si Jeffrey Atencio y Sumbillo, binata, residente ng Sitio Cuerpo, Barangay San Francisco, San Antonio, Nueva Ecija.

Sinabing ganap na 8:30 ng umaga ng hainan ng warrant of arrest ang suspek, sa di-umanoy  kasong Seduction in relation to RA 7610 with criminal case number 15283-12 na inisyu ng korte (RTC, Branch 36), Cabanatuan City, Nueva Ecija.

Samantala, arestado rin sa bayan ng San Antonio, Nueva Ecija ang isang nagngangalan na Jonnel Javate y Ramos, 38, may asawa, residente ng Purok 1, Barangay Lawang Kupang, ng nasabing lugar.

Ganap na 9:30 ng umaga, kahapon ng arestuhin si Javate, sa Barangay San Francisco, San Antonio, Nueva Ecija sa pangunguna ni PSSg Cecilio O. Domingo Jr., sa kasong Attempted Murder di-umano at may  criminal case number  25088-21 na inisyu noong June 16, 2021 sa RTC Branch 36, Cabanatuan City, Nueva Ecija.

Kapwa nasa kustodiya naman ng San Antonio Police Station ang mga naarestong suspek.-ELSA NAVALLO