2,018 bagong kaso; 1 pa patay sa COVID

2,018 bagong kaso; 1 pa patay sa COVID

July 11, 2022 @ 7:14 AM 1 month ago


MANILA, Philippines – Nakapagtala ang Department of Health ng 2,018 bagong kaso ng COVID-19 noong Linggo, ang pinakamataas na daily tally sa halos limang buwan, kung saan 2,232 na kaso ang naitala noong Pebrero 18.

Dahil sa mga bagong naitala, umabot na sa 3,718,467 ang kabuuang bilang ng mga kaso ng coronavirus sa bansa. Ang mga nakarekober ay tumaas ng 1,147 sa total na 3,644,009, habang ang bilang ng mga nasawi ay tumaas ng isa sa total na 60,640.

Ang mga aktibong kaso ay nasa 13,818 na ngayon, bumaba ng tatlong kaso mula sa tally noong Sabado.

Sa nakalipas na dalawang linggo, ang National Capital Region ay nag-ulat ng 8,016 na kaso, sinundan ng Calabarzon na may 3,536 na kaso, Western Visayas na may 1,535 na kaso, Central Luzon na may 1,444 na kaso, at Central Visayas na may 730 na kaso. RNT