MANILA, Philippines – Isa na namang nasa broadcast industry ang mapapasama sa bagong gabinete ni President-elect BBM dahil incoming undersecretary na ng Department of Social and Welfare Development (DSWD) ang isa sa mga congresswomen ng ACT-CIS partylist na si Nina Taduran.

Sa isang event sa isang five star hotel ay pinakilala na si Cong. Nina bilang Usec. ng DSWD.

Sa ngayon ay may programa si Nina sa DWIZ at outgoing congresswoman sa administrasyon ni President Rodrigo Duterte.

Kung matatandaan ay dating co-anchor din ni Senator-elect Raffy Tulfo si Taduran sa DWXL

Ilan sa mga taga-media na nakapasok na rin sa incoming administration of president-elect BBM ay sina Erwin Tulfo bilang DSWD secretary at Cesar Chavez as DOTr secretary.

Anyway, isa sa mga pinagmamalaking bill ni Congresswoman Nina ay ang Media Welfare’s Act na hindi pa nagiging ganap na batas at nakabinbin pa sa senado. JP Ignacio

MANILA, Philippines – Ang mga natamo ng Department of Labor and Employment (DOLE) sa nakalipas na anim na taon ay nagsisilbing hamon para sa darating na administrasyon ni elected President Ferdinand ‘Bongbong’ Marcos Jr.

Ito ang pag-amin mula kay incoming  Department of Migrant Workers (DMW) Secretary Susan ‘Toots’ Ople sa kanyang inagurasyon kahapon ng unang OFW-dedicated medical institution sa bansa sa San Fernando, Pampanga.

Naging pangunahing tagapagsalita si Ople para sa espesyal na okasyon na hudyat ng inaabangang pagbubukas ng Ospital ng OFW – isang 100-kama at 6-palapag na pasilidad na may makabagong kagamitan at karampatang tauhan upang magsilbi sa mga medikal na pangangailangan ng mga overseas Filipino workers (OFWs) at ang kanilang mga pamilya nang libre.

Ipinakilala ni outgoing Labor Secretary Silvestre Bello III, sinabi ni Ople na ang OFW Hospital ay isa sa maraming mahahalagang gawain ng DOLE na hahamon sa susunod na pamahalaan na suportahan.

“DOLE has made a lot of projects that would be a challenge for us,” sabi ni Ople.

Makakasama ni Ople ang iba pang mga pangunahing executive na pinili ni Marcos upang patakbuhin ang kanyang Gabinete sa pag-aako sa kanilang mga puwesto pagkatapos ng inagurasyon ng kahalili ni Pangulong Duterte bukas.

Ang DMW ay nilikha upang isentralisa ang mga serbisyo nito para sa mga OFW. Layunin ng hakbang na ilagay ang lahat ng ahensyang may kinalaman sa OFW sa ilalim ng isang departamento. Kabilang dito ang Philippine Overseas Employment Administration (POEA), Overseas Workers’ Welfare Administration (OWWA) at ang International Labor Affairs Bureau (ILAB) na malapit nang tuluyang alisin sa DOLE.

“I’m happy that aside from the OFW Hospital and other projects of DOLE, we will be inheriting more from the outgoing administration,” sinabi ni Ople, na tinutukoy sina POEA chief Bernard Olalia at OWWA head Hans Leo Cacdac. Sa kanyang talumpati, inanunsyo niyang parehong sasamahan siya nina Olalia at Cacdac para pamunuan ang DMW.

Sa iba pang executive, ang dalawang opisyal ay susi sa mabungang pamumuno ni Bello sa DOLE kung saan nakita ang napakalaking at matagumpay na pagpapauwi sa mahigit isang milyong OFW na apektado ng Covid 19 pandemic.

Sa ilalim ni Bello, pinanatili rin ng Departamento ng Paggawa ang kapayapaang industriyal sa bansa sa pamamagitan ng pagsusulong ng tripartism sa mga manggagawa, employer, at gobyerno.

Sa kabila ng mga hamon na dala ng global health outbreak, pinangunahan ni Bello ang DOLE sa paghahatid ng mandato ng gobyerno na tulungan ang mga distressed workers sa pamamagitan ng mga inisyatiba nito na pinangungunahan ng Tulong Panghanapbuhay sa Ating Disadvantaged/Displaced Workers (TUPAD) program.

Sinimulan din ni Bello ang assistance program  na tinatawag na AKAP para sa mga OFW na nawalan ng tirahan dahil sa pandemya. Halos 600,000 OFW ang nakinabang sa programa. Jocelyn Tabangcura-Domenden

MANILA, Philippines – Nakiisa ang Philippine Red Cross (PRC) Hemodialysis Center sa pagdiriwang ng National Kidney Month ngayong Hunyo.

Ang tema ngayong taon ay  “Batong Malakas sa Panibagong Bukas.”

Ayon sa website ng National Kidney and Transplant Institute, isang Pilipino ang nagkakaroon ng talamak na renal failure kada oras, o humigit-kumulang 120 para sa bawat isang milyong tao.

Ang PRC Hemodialysis Center ay itinatag noong Nobyembre 2018 na may suporta mula sa Tokushukai Medical Group.

Ang Chairman at CEO ng PRC na si Senator Richard J. Gordon ay naisip ng Center na magsilbi sa mga mahihirap na pasyente. Noong Hunyo 28, 2022, ang Center ay nagsagawa ng 15,500 na paggamot.

Sinang-ayunan ni Gordon ang rekomendasyon ng nephrologists

upang magpasuri ng dugo para sa creatinine at isang urinalysis tuwing anim na buwan. Ang isang kasaysayan ng kidney injury o pagtaas ng mga antas ng creatinine ay maaaring mangailangan ng mas madalas na mga pagsusuri.

Ang mga nangangailangan na makakuha ng serbisyo  ng  PRC’s Dialysis Facility ay maaring magpadala sa email na [email protected]ph para sa makakuha ng iba pang detalye kung paano makakuha ng  PRC’s services. Jocelyn Tabangcura-Domenden.

MANILA, Philippines – Masayang ibinahagi ni Nicole Donessa sa kanyang Instagram account ang pagiging ganap na dual citizen ng anak nila ni Mark Herras na si Corky.

Makikita sa post ng former beauty queen at actress ang family picture nila ni Mark kung saan sinabi nitong bukod sa pagiging Filipino, American citizen na rin si Corky.

“Guess who got their blue passport? Thank you God for making Corky’s dual citizenship successful,” caption ni Nicole with Philippine and American flag emoji.

Just like Corky, his mom Nicole is also a Filipino-American citizen dahil sa states ito pinanganak at dalaga na when she started living in the Philippines.

September 2021 naman nang magpakasal sina Nicole at Mark, months after they announced the former’s pregnancy with Corky. Paula Jonabelle Ignacio

MANILA, Philippines – Makalipas ng pitong taon, magpapaalam na sa ere sa darating na buwan ang FPJ’s Ang Probinsyano.

Bilang bahagi ng longest running action drama sa TV, bibigyan ng fitting farewell si Susan Roces.

Si Susan o Manay Inday sa kanyang mga showbiz friends ay gumanap bilang Lola Flora.

Pumanaw ang tinaguriang Reyna ng Pelikulang Piipino noong May 20 ng kasalukuyang taon.

She would have turned 81 on July 28.

Bilang pamamaalam sa kanya, mapapanood muli ang mga mahahalagang tagpo kung saan siya kasama.

Hindi pumayag ang buong creative team sa pangunguna ng mismong bidang si Coco Martin na magwakas ang nasabing action drama series nang hindi binibigyan ng kaukulang pagpapahalaga ang premyadong aktres.

Ang FPJ’s Ang Probinsyano ay hango mula sa isa sa maraming box office films ng kabiyak ni Susan na si Fernando Poe Jr.

Ang mga labi ni Susan ay inilagak katabi ng puntod ni FPJ sa North Cemetery at patuloy pa ring dinarayo ng kanyang mga tagahanga.

Samantala, ang much-awaited na Darna series ang papalit sa Ang Probinsyano kung saan bida si Jane de Leon. Ronnie Carrasco III