2,423 tulak bumulagta sa drug war sa Central Luzon

2,423 tulak bumulagta sa drug war sa Central Luzon

July 1, 2022 @ 6:24 PM 2 months ago


MANILA, Philippines- Aabot sa 2,423 ang naitalang napatay ng pulisya sa buong Central Luzon sa kasagsagan ng administrasyon ni dating Pangulong Rodrigo Duterte sa kanilang giyera kontra-droga.

Ayon kay PRO3 Regional Director PBGEN Matthew Baccay,mula July 2016 nakakumpisla ang pulisya ng 821,084.95 grams ng shabu na may DDB value na P5,582,978 187.17,1,204,634.48 grams ng Marijuana na may halagang P144,556,137.66 at 10,052.5 ecstasy tablets.

Kaugnay nito,tinatayang 106,790 anti-illegal drugs operations ang kanilang isinagawa sa kanilang nasasakupan na may 62,749 inifibiduwal ang naaresto at may 2,423 ang nasawi sa naturang operasyon.

“We would remain relentless in our anti-illegal drug operations and in our drive to put a stop to the illegal drug trade,” ani Baccay.

Sinasabing ang mga alagad ng batas sa Bulacan ang isa sa aktibong tumugon sa pakikidigma ng gobyerno sa iligal na droga ng mga panahong iyon na may maraming namatay na umanoy tulak matapos manlaban. Dick Mirasol III