25 indibidwal nakaranas ng pagkahilo, high blood pressure sa inagurasyon ni BBM

25 indibidwal nakaranas ng pagkahilo, high blood pressure sa inagurasyon ni BBM

June 30, 2022 @ 6:12 PM 2 months ago


MANILA, Philippines- Hindi bababa sa 25 indibidwal na dumalo sa inagurasyon ni Pangulong Ferdinand “Bongbong” Marcos Jr. sa National Museum of Fine Arts nitong Huwebes ang nakaranas ng pagkahilo at high blood pressure.

Ayon sa mga tauhan ng Department of Health, dinala sa tent ng medical team sa museum ang mga pasyenteng edad 40 hanggang 55 taon.

Anila pa, siyam pang indibidwal na dumalo sa inagurasyon ang nagpa-check ng kanilang blood pressure.

Halos 7,000 indibidwal kasama ang VIPs ANG dumalo sa inagurasyon, ayon kay Manila Police District spokesperson Police Major Phillip Ines. RNT/SA