Manila, Philippines – Umakyat na sa 15 ang lugar na nasa ilalim ng Tropical Cyclone Wind Signal No. 1 makaraang bahagyang lumakas ang bagyong Bising habang binabaybay ang patungo sa Philippine Sea, batay sa PAGASA.

Luzon

• Sorsogon

• Albay

• the eastern portion of Camarines Sur (Siruma, Goa, Ocampo, Tigaon, Sagnay, Baao, Nabua, Bato, Iriga City, Buhi, Tinambac, Lagonoy, San Jose, Garchitorena, Presentacion, Caramoan)

• Ticao Island

• Catanduanes

Visayas

• Northern Samar

• Samar

• Eastern Samar

• Biliran

• Leyte

• Southern Leyte

• Camotes Islands

Mindanao

• Dinagat Islands

• Surigao del Norte (including Siargao and Bucas Grande Islands)

• Surigao del Sur

Namataan ang sentro ng bagyo sa 645 km silangan ng Maasin City, Southern leyte o 545 km silangan ng Guiuan, Eastern Samar taglay ang 185 km/h na hangin sa gitna at pagbugsong 230 km/h. RNT/FGDC

Manila, Philippines – Hinikayat ang mga magsasaka sa Luzon at Visayas na anihin na ang kanilang mga tanim kung kakayanin upang maiwasang malugi dahil sa paparating na bagyong Bising.

 “We therefore advise our farmers in Bicol and Eastern Visayas that may be affected by typhoon Bising to harvest their crops, whenever possible,” saad ni DA Sec. William Dar.

“We also urge fishermen near the typhoon’s path to take precautionary measures and refrain from fishing as conditions may worsen as ‘Bising’ nears.”

Sinabi ni DA Eastern Visayas Dir. Angel Enriquez na kasalukuyang may 125,000 hectares (ha) ng bigas ang nasa reproductive stage (62,972 ha) at nasa maturity stage naman ang 62,902 ha.

Inatasan na rin ang DA regional directors sa Eastern Visayas, Bicol, at Northern Mindanao na bantayan ang kani-kanilang regional disaster risk reduction and management teams na agad rumesponde.   RNT/FGDC

Manila, Philippines – Binalaan ang mga residente sa pagkain ng mga shellfish mula sa anim na lugar sa bansa dahil sa positibo ito sa paralytic shellfish poison (PSP).

Tinukoy rito ang Dauis at Tagbilaran City sa Bohol; Tambobo Bay sa Siaton, Negros Oriental; coastal waters ng Calubian sa Leyte; Dumanquillas Bay sa Zamboanga del Sur; Balite Bay sa Mati City, Davao Oriental; at Lianga Bay at coastal waters sa Hinatuan sa Surigao del Sur.

Samantala, ligtas namang kainin ang mga isda, posit, hipon, at alimasag ngunit kailangang hugasan mabuti bago lutuin.

Samantala, idineklara naman ang Cancabato Bay sa Tacloban City, Leyte na wala nang toxic. RNT/FGDC

Manila, Philippines – Obyus na isang malaking biro o joke lang ang Facebook post ni Presidential Spokesperson kamakailan ang paghahalintulad niya kay James Reid.

Kunwari ay may kausap siyang saleslady na pinagtanungan kung magkano ang salamin, pero reflection niya ang makikita roon na may hawig daw sa batang aktor.

Pero sa dulo ng post ni Roque ay may #KalmaLangAkoTo.

Hindi ‘yon nagustuhan ng mga netizens na nag-comment na nabuang na o higit pa raw sa nabuang ito. Kesyo epekto raw ng pagkakaroon ng COVID-19 ang halusinasyon nitong kamukha niya si James Reid.

Matatandaang laging sinasalag ni Roque ang ilang mga pahayag ni Pangulong Duterte dismissing them as jokes na hindi dapat sineseryoso.

In fairness to Roque, may karapatan din siyang magbiro lalo’t hindi naman nakakapanakit ang kanyang patawa. Ronnie Carrasco III

Manila, Philippines – Hindi pa natatanggap ng Department of the Interior and Local Government ang mga reklamo tungkol sa maanomalyang pamamahagi ng ayuda.

Sinabi ni DILG Usec. Jonathan Malaya na nakikipag-ugnayan na sila sa  Presidential Anti-Corruption Commission para sa sinasabing mga iregularidad.

Maaalalang naunang sinabi ni PACC chairman Greco Belgica na nasa 8,000 na ang natanggap nilang reklamo.

“Kami po ay nakikipag-ugnayan na sa PACC tungkol sa complaints na natanggap na nila. Kami po ay nabahala rin na umabot na sa 8,000 ang reklamo ang kanilang natanggap.”

“Hindi po malinaw sa amin kung anong reklamo ito. So far ang natatanggap namin ay hindi tungkol sa anomalya or corruption,” saad ni Malaya.

Sa report, makatatanggap ng P1,000 hanggang P4,000 na ayuda ang mga residenteng apektado ng NCR+ sa ipinatupad na ECQ. RNT/FGDC