3 kalaboso sa anti-drug ops sa Taytay!

3 kalaboso sa anti-drug ops sa Taytay!

June 17, 2022 @ 5:34 PM 2 weeks ago


MANILA, Philippines- Kalaboso ang tatlong indibidwal kabilang ang tinaguriang “lady pusher” nang masakote sa droga at boga sa anti-drug operation sa Taytay Rizal.

Sa ulat ni PNP Prov incial Director P/Col. Dominic Baccay sa tanggapan ni PRO4A-Calabarzon Regional Director P/BGen. Antonio Yarra, kinilala ang mga naaresto na sina Gloria Animas y Taroballes alyas “Glo” umano’y tulak, Wifredo Laguerta y Garing alyas “Jerry Gata” at Racky Sanchez y Teopiz kapwa ng Blk-27 Brgy., Sta. Ana ng nabanggit na, bayan.

Alas-3:45 ng hapon nitong Hunyo 16, isinagawa ng mga operatiba ang buy-bust operation kay alyas “Glo” na talamak na nagtutulak ng shabu sa Spain St., Blk-27, Brgy., Sta. Ana, Taytay.

Nakuha sa mga ito ang dalawang baril na kalibre 22 at kal. 38, isang MC Yamaha Mio, ice plastic bag, pitong (7) transparent plastic sachet ng shabu na naglalaman ng 71 grams na nagkakahalaga ng P480,800, marked money at P5, 000 boodle money.

Ayon sa pulisya, nadakip ang mga suspek base sa pinaigting na kampanya kontra droga o “Pabili nga po” ng awtoridad.

Kasong paglabag sa RA9165 dangerous drug act of 2002 at illegal posession of firearms. Rene Tubongbanua