3 Koreanong wanted sa telecom fraud, naaresto ng BI

3 Koreanong wanted sa telecom fraud, naaresto ng BI

August 6, 2020 @ 2:08 PM 2 months ago

  •  
  •  
  •  

Manila, Philippines – Inaresto ng mga tauhan ng Bureau of Immigration (BI) ang tatlong South Korean national na wanted sa bansang Seoul makaraang masangkot ang mga ito sa telecommunications fraud.

Kinilala ni Immigration Commissioner Jaime Morente ang mga dayuhan na sina Lim Yeongjun, 36; Kwom Hyeoksoo, 49 at Sim Dong Woo, 49.

Naaresto ang tatlong dayuhan nitong Martes, August 4 nang pinagsamang puwersa ng BI’s Fugitive Search Unit (FSU) at Philippine National Police (PNP) sa loob ng tanggapan ng Criminal Investigation and Detection Group (CIDG) ng Southern Police District (SPD) Headquarters sa Fort Bonifacio, Taguig City kung saan una silang naaresto.

Sinabi ni Morente na ang tatlong Koreano na pawang mga overstaying na ay kasama sa red notices ng Interpol at ang kanilang pasaporte ay binawi na ng kanilang gobyerno.

Ipinaliwanag din ni Morente na ang mga nasabing dayuhan ay hindi pa maaaring pabalikin sa kanilang bansa dahil nahaharap pa sila sa kasong paglabag sa 1988 Access Device Regulation Act at 2011 Anti-Cybercrime Law kung saan kasalukuyan silang nakadetine sa custodial facility ng CIDG habang iniimbestigahan sila.

“It is only after these criminal charges are resolved and upon completion of service of sentence, if they are convicted, that we will be able to deport them,” ayon kay Morente.

Sa impormasyon na nakalap nila sa BI Interpol Unit, ang tatlo ay lihim na nag-o-operate ng isang call center sa Manila na ginagamit nilang paglilinlang sa kanilang mga biktima kung saan pinabalabas nila na mga ahente sila ng isang lending institution at hinihikayat ang kanilang biktima na bayaran ang kanilang mga utang ng advance upang makakuha sila ng mababang interest.

Ayon sa Korean authorities na ang tatlong dayuhan ay nanlimas ng mahigit 80 million won o mahigit US$67,000 na nakalagak sa isang bangko.

“Consequently, we’re not only able to bring these criminals to justice. We also prevented them from using our country as a refuge so they could evade prosecution for their crimes. Besides, their presence here poses a threat to our people’s welfare and safety,” ayon sa BI Chief.   Jay Reyes


  •  
  •  
  •  

Loading...