3 parak huli sa entrapment ops

3 parak huli sa entrapment ops

August 16, 2022 @ 1:39 PM 2 months ago


MANILA, Philippines- Inaresto sa isang entrapment operation ang tatlong pulis sa Manila matapos na umano’y tumanggap ng pera kapalit ng isang impounded na motorsiklo sa loob ng Police Community Precinct (PCP) sa Paco, Manila Lunes ng gabi.

Kinilala ang mga inaresto na sina PSSg Erwin Licuasen y Basilan, 34, ng BIk. ,7 Lot 22, unit 28B Pagrai Hills Mayamot Antipolo City; Corporal Chimber Rey Importa, 32 ng 2938 F. Manalo St., Punta Sta. Ana, Manila; at Pat Leopoldo Tuason y Nival, 39 ng 1231B, Mithi St., Tondo, Manila, pawang nakatalaga sa Paco Police Community Precinct (PCP)ng Manila Police District (MPD)-Station 5.

Sa ulat, dakong alas-10:35 ng gabi kamakalawa nang nagsagawa ng entrapment operation ang IMEG, Camp Crame sa loob ng Paco PCP sa Pedro Gil St., corner A Linao St., Paco, Manila hinggil sa isang na-impound na motorsiklo.

Nauna rito, pumasok sa loob ng nasabing PCP ang dalawang kalalakihan at kinausap si Licuasen hinggil sa umano’y na-impound na motorsiklo.

Matapos ang kanilang pag-uusap, nag-abot umano ng’ di batid na halaga kay Licuasen hudyat upang pumasok ang mga operatiba ng IMEG, Camp Crame at inaresto ang tatlo.

Dinala ang tatlo sa Camp Crame para sa imbestigasyon. Jocelyn Tabangcura-Domenden