3 tepok sa niyog

3 tepok sa niyog

May 14, 2022 @ 10:40 AM 2 weeks ago


SOUTH COTABATO – Patay ang tatlong totoy na umano’y kawatan ng bunga ng niyog matapos silang pagbabarilin ng mga hindi pa kilalang armadong kalalakihan nitong Miyerkules sa probinsyang ito.

Kinilala ang mga biktimang sina Rahman Jeorfo Sumapal, Nasser Maguisilan Diamalo at Jade Jamal Abpit, pawang mga residente sa Sitio Basak Polonuling, Tupi, South Cotabato kag Purok 1, Barangay Sumbakil, Polomolok, South Cotabato.

Batay sa report ng Polomolok Police Station, dakong 6:00 ng gabi naganap ang krimen sa isang coconut farm sa nasabing lugar.

Lumabas sa imbestigasyon ng pulisya, bitbit ng mga biktima ang sako na may mga laman na bunga ng niyog ng dumating ang mga suspek na naka-motorsiklo.

Dito, pinagbabaril ang mga biktima na tinamaan sa iba’t ibang parte ng katawan na naging sanhi ng agaran nilang kamatayan.

Matapos ang krimen mabilis na tumakas ang mga suspek sa hindi malamang direksyon .

Sa ngayon nagpapatuloy ang imbestigasyon ng mga awtoridad sa nasabing krimen para alamin ang pagkakakilanlan sa mga suspek para sa agaran ikadarakip sa mga ito. Mary Anne Sapico