3 tiklo sa shabu, marijuana sa Malabon

3 tiklo sa shabu, marijuana sa Malabon

May 25, 2022 @ 12:35 PM 1 month ago


MANILA, Philippines- Shoot sa selda ang tatlong bagong identified drug personalities matapos madakma sa isinagawang buy bust operation ng pulisya sa Malabon City, kahapon ng madaling araw.

Kinilala ni Malabon police chief Col. Albert Barot ang naarestong mga suspek bilang sina Carlos Reyes, 25, Marc Ryan Laxamana, 24, kapwa ng Brgy.,Taňong at Rolando Madeja alyas “Potpot”, 54, laborer ng Brgy. Tugatog.

Ayon kay Col. Barot, dakong alas-3:10 ng madaling araw nang magsagawa ang mga operatiba ng Station Drug Enforcement Unit (SDEU) sa ilalim ng pangangasiwa ni PLT Alexander de Cruz ng buy-bust operation sa Adante St. Brgy., Taňong, Malabon City.

Nang tanggapin ang P500 marked money mula sa isang pulis na umakto bilang poseur buyer kapalit ng isang plastic sachet ng shabu ay agad sinunggaban ng mga operatiba si Reyes at Laxamana, kasama si Madeja nakuhanan ng isang transpareng plastic sachet ng hinihinalang shabu.

Nakumpiska sa mga suspek ang aabot sa 10.2 grams ng hinihinalang shabu na may standard drug price P69,360, hinihinalang pinatuyong dahon ng marijuana na nasa P324 ang halaga at buy-bust money.

Ani PSSg Jerry Basungit, kakasuhan ang mga suspek ng paglabag sa RA 9165 o ang Comprehensive Dangerous Drug Act of 2022. Boysan Buenaventura