4 nasa likod ng ‘di awtorisadong BDO transfer kulong sa NBI

4 nasa likod ng ‘di awtorisadong BDO transfer kulong sa NBI

January 21, 2022 @ 9:11 AM 7 months ago


Manila, Philippines – Naaresto na ang apat na sangkot sa fraudulent schemes ng BDO Unibank Inc. noong Disyembre, ayon sa National Bureau of Investigation.

Sinabing dalawang Nigerian national ang naaresto sa operasyon sa Pampanga.

Nakuha rin sa kanila ang ilang piraso ng ebidensya na nagpapatunay na sangkot sila sa hacking incident.

“Ang involvement nila is to synchronize ‘yong movement ng members ng group. Ino-open nila ang account, sila ang nagpapa-falsify ng mga dokumento tapos ‘yong mga downloaded amounts o downloaded cash, sila ang nagko-consolidate from different downloaders at sila rin ang nagbibigay ng payoff,” paliwanag ni NBI Cybercrime Division chief Vic Lorenzo.

Sa hiwalay na operasyon, arestado rin sa Pasig ang isa pang suspek na in charge sa pagkuha ng pera mula sa system ng banko.

Kalaboso naman sa Maynila ang pang-apat na suspek na bumuo ng computer program para sa hacking.

Sinabi naman ng NBI na nililikom na nila ang lahat ng ebidensya bago kasuhan ang apat.

“Tinututukan na namin ngayon ang iba pang miyembro ng grupo para mapanagot din sila sa kanilang krimen,” punto ni NBI director Eric Distor. RNT/FGDC