4Ps partylist nagpasalamat sa DSWD sa inayos na sistema ng bigayan ng ayuda
F2F classes na, booster sa lahat ng 12-17 anyos ikasa – pres’l adviser
MANILA, Philippines – Hinikayat ni Presidential Adviser for Entrepreneurship Joey Concepcion ang pamahalaan na payagan nang mabigyan ng booster shots laban sa coronavirus disease 2019 (COVID-19) ang mga kabataan na may edad na 12 hanggang 17 bilang bahagi ng paghahanda sa pagbabalik ng face-to-face classes sa Agosto.
Sa Laging Handa public briefing, sinabi ni Concepcion na kailangan ng magdesisyon ng Health Technology Assessment Council (HTAC) hinggil sa rollout ng booster jabs para sa nasabing age group para makatulong na mapanatili ang level of immunity sa bansa.
Sinabi pa niya na ang efficacy o bisa ng paunang Covid-19 vaccines ay humina na “as early as four months,” at ang indibiduwal na nasa edad na 12 hanggang 17 na karamihan ay estudyante ay dapat lamang na makakuha ng “extra protection” mula sa virus dahil sa napipintong pagpapatuloy ng in-person classes.
“This will have dire consequences on the country’s recovery. I echo what the Advisory Council of Experts (ACE) is saying: When you delay these boosters, you deny our country the chance to recover,” ang nakasaad sa kalatas.
Noong nakaraang linggo, iginiit ng adviser ni Pangulong Rodrigo Roa Duterte ang pagbuo ng ACE, isang advisory group para sa pribadong sektor na makatutulong sa kanila na tahakin ang daan palabas mula sa pandemiya.
Ang grupo ay kinabibilangan ng mga eksperto sa larangan ng kalusugan at ekonomiya.
“In a pandemic, we do not wait for the ‘hard evidence’ that we use for routine vaccines,” ayon sa grupo sabay sabing “We use the weight-of-evidence approach, which takes into consideration things like whole-of-society needs, vaccine deployment challenges at the ground level, age-related issues such as vulnerability versus schools being able to return to normal, the emergence of variants, and many other factors.”
Sinabi pa ng advisory council na ang pagbabakuna ay “key weapon” ng bansa para siguraduhin ang “uninterrupted recovery” mula sa pandemiya. Kris Jose
Mga baguhang solon nag-aral sa crash course sa Kamara
MANILA, Philippines – Sumailaim sa tatlong araw na training program ang mga bagong mambabatas na magsisilbi ngayong 19th Congress bilang paghahanda sa kanilang bagong tungkulin sa House of Representatives.
Ayon kay House Secretary General Mark Llandro Mendoza sinimulan kahapon ang Executive Course na naglalayong ipaalam sa mga bagong halal na miyembro ang “ins” and outs” sa tanggapan.
Ang nasabing programa ay inorganisa ng House Office of the Secretary General katuwang ang University of the Philippines-National College of Public Administration and Governance (UP-NCPAG) at Center for Policy and Executive Development (CPED).
Sinabi ni UP-NCPAG Associate Professor at Dean Dan Saguil mahalaga ang tungkulin ng legislative branch at ang maayos na ugnayan nito sa iba pang sangay ng gobyerno gayundin sa private sector para makamit ng bansa ang national development.
“We hope that the seminar would equip the legislators so they can work on measures aimed at alleviating the plights of the Filipinos”ani Saguil.
Sa unang araw ng seminar ay 24 sa 28 Batch 1 members ang dumalo. Gail Mendoza
NegOr, excited sa pag-upo ni Gov. Henry Teves
MANILA, Philippines – Tila na tinadhana na talaga Governor-elect Bayawan City Mayor Pryde Henry Teves ang maging gobernador ng Negros Oriental dahil sa makikitang kasabikan ng mga tao na ma-upo na ito upang masimulan ang tunay na pagmamahal nito sa bawat Negrosanos.
Ngayong linggo na ito ang oathtaking ni Governor-elect Teves na siyang sinasabing tulad ng pangalan nito na Pryde at siya rin na PRIDE ng bawag Negrosanos dahil tiwala ang mga mamamayan sa magandang magagawa nito sa probinsiya.
Na-i-proklama si Gov. Teves ng provincial election officer noong nakaraan Mayo 10 matapos itong humakot ng 296,897 na boto at manguna sa ibang naghangad kabilang si Gob. Roel Degamo.
“God is good all the time. And, all the time, God is good. Hindi po masasayang ang tiwala na inyong ibinigay. Ang aking puso at isipan ay itututok ko lang sa ikabubuti ng bawat Negrosanos. Panahon na para puspusang umunlad ang Negros Oriental,” pahayag ni Teves.
Sa kabila ng pangugulo ng isang natalong kandidato, nananatili ang isipan ni Gob. Teves sa mga dapat unahin at mga dapat linisin sa oriental na makakatulong ng Malaki sa pamumuhay ng mga Negrosanos ayon dito.
Ayon sa bagong gobernador, lilinisin nito ang kurapsyon sa probinsya at bubusisiin man kung ano ang mga anomalyang nagkaroon sa probinsya mula sa dating pangangasiwa ng mga nanunungkulan dito.
“Panahon na po para linisin at payamanin ang probinsya. Kailangan nating mapa-asenso ang pamumuhay ng Negros Oriental. Sisiguraduhin natin na mararamdaman agad po ito ng bawat mamamayan ng Negros Oriental,” pagtatapos ni Teves. RNT
TESDAMAN nanumpa sa historic Barasoain Church
MANILA, Philippines – Sa historical site na Barasoain Church sa Malolos, Bulacan nanumpa si Sen. Joel Villanueva para sa kanyang ikalawang termino sa Senado nitong Lunes, Hunyo 27, 2022.
Dumalo sa oath-taking event ng mga kamag-anak ng senador, mga lokal na opisyales ng Bulacan, at mga supporters ni Villanueva.
Si Kap. Robin del Rosario ng Brgy. Bunlo, Bocaue, Bulacan na kababata ni Villanueva ang siyang nagpasinaya ng panunumpa ng senador. RNT
Grupo ng OFWs na BBM supporters kinuwestyon ang pagtalaga kay Ople sa DMW
MANILA, Philippines – Sumugod ang nasa 50 overseas Filipino workers o OFW Global na mga tagasuporta ni President-elect Ferdinand Bongbong Marcos Jr. sa kanyang headquarter sa Mandaluyong para kwestyunin ang pagpili nito kay incoming Department of Migrant Worker Secretary Susan Ople.
Giit kasi ng grupo na gusto nila ng isang malusog na kalihim para sa mga migrant workers.
Saad sa plaka ng grupo: Sigaw ng mga OFWs, Please President eleect BBM, bigyan mo kami ng isang secretary na malusog at walang sakit.
PINAS The Filipino’s Global Newspaper