5 Ilokano sasabak sa World International Math Olympiad sa Thailand
November 29, 2022 @ 5:31 PM
2 months ago
Views: 194
Rico Navarro2022-11-29T17:31:08+08:00
LAOAG CITY – Naghahanda na ngayon ang limang estudyante ng Sarrat National High School (SNHS) para sa World International Mathematical Olympiad (WIMO) na itinakda sa Enero 7-8, 2023 sa Bangkok, Thailand.
Lalahok sina Ma. Cassandra Doque, Christian Ray Malvar, Charlie Quetula, Cesar Alejandro Respicio at Jesrel Briones Gudoy Jr., na nanalo ng apat na gintong parangal at isang pilak kasama ang mga espesyal na parangal sa huling round ng 2021 Hong Kong International Mathematical Olympiad na ginanap sa pamamagitan ng online platform na Eklavvya at Zoom noong Agosto 28, 2021.
Bilang suporta sa mga batang math wizard na muling sasali sa isang internasyonal na kompetisyon na lalahukan ng humigit-kumulang 14 na bansa, magdodonate ng P300,000 ang Mirae Asia Energy Corporation para sa kanilang airfare, accommodation, at iba pang gastusin.
Upang mapadali ang pagpapalabas ng donasyon, isiniwalat ni provincial board member Saul Paulo Lazo, chair ng committee on education, nitong Martes na ang mga miyembro ng Ilocos Norte board ay nagpasa ng resolusyon noong Lunes na nagpapahintulot kay Gobernador Matthew Joseph Manotoc na tanggapin ang PHP300,000 na donasyon mula sa Mirae Asia, na nagpapatakbo ng solar power farm sa Currimao, Ilocos Norte.
“Ang perang donasyon ay para makatulong sa pasaning gastos ng mga kalahok,” sabi ni Lazo dahil ang halaga ay bahagi rin ng corporate social responsibility program ng kumpanya, na nagtataguyod ng edukasyon at kapakanan ng mga Ilokano.
“Kami ay lubos na nagpapasalamat sa lahat ng suporta na nakukuha namin mula sa iba’t ibang mga stakeholder ng edukasyon,” sabi ni Michael Malvar, isa sa mga coach ng mga mag-aaral.
Habang binabati ng good luck ang mga kalahok mula sa pampublikong paaralan ng Ilocos Norte, sinabi ng schools division superintendent na si Joann Corpuz, “Ang Schools Division ng Ilocos Norte ay lubos na natutuwa sa tagumpay na ito ng ating mga mag-aaral. Ito ay nagpapatunay na ang pandemya ay hindi hadlang para sa edukasyon magpatuloy.”
Sama-samang inorganisa ng Hong Kong at Thailand Mathematics Society, ang taunang internasyonal na kumpetisyon ng olympiad ay naglalayong pasiglahin at pagyamanin ang interes ng mga kabataan sa pag-aaral ng matematika, palakasin ang kakayahan ng kanilang malikhaing pag-iisip, palawakin ang kanilang pandaigdigang pananaw, at itaguyod ang pag-unlad ng elementarya at sekondaryang edukasyon at pagpapalitan ng mga kulturang pang-edukasyon sa mga bansa at rehiyon.
Inimbitado ang mga kalahok mula sa Hong Kong, China, Indonesia, Singapore, Malaysia, Thailand, Ukraine, Philippines, Kyrgyzstan, Iran, Taiwan, Vietnam, Myanmar at Cambodia. JC
January 31, 2023 @2:05 PM
Views: 12
MANILA, Philippines – Handa na ang bansa, at magiging kapaki-pakinabang ang ratipikasyon sa Regional Comprehensive Economic Cooperation (RCEP).
Ang RCEP ay ang free trade deal sa mga bansa sa ASEAN kabilang ang Australia, China, Japan, South Korea, at New Zealand na magbibigay ng mas mababang taripa sa mga piling produkto ng mga nabanggit na bansa.
Sa kabila nito, sinabi ni Trade Undersecretary Ruth Castelo nitong Martes, Enero 31 na dapat maglagay ng safeguards patungkol dito, at ibinahagi rin na limitadong agricultural tariff lines lamang ang maaapektuhan kung ipatutupad na ang RCEP.
“There are only about 15 agricultural products that will be affected and these are not the basic agricultural products that we have,” ani Castelo.
“This excludes rice, sugar and corn and all the other basic agriculture products that we commonly consume,” dagdag niya.
Sa naunang pahayag ng Presidential Communications Office, sinabi nito na isa ang RCEP sa isinusulong ng administrasyon ni Pangulong Ferdinand Marcos Jr.
Ito ay sa kabila ng naunang sinabi ng Pangulo na hindi siya sigurado kung matibay ang agriculture sector ng bansa para makipagsabayan dito, ngunit nangakong pag-aaralan pa niya ito ng mabuti.
Samantala, sa kabila ng pagtutol ng ilang agriculture groups, sinabi ni Castelo na handa ang bansa sa RCEP lalo pa’t isinusulong din ng Department of Agriculture ang
industrialization at modernization ng naturang sektor.
“The Philippines is ready for this and it’s going to increase actually our gross domestic product, it will increase of course job multiplication job generation and all that,” aniya.
Ayon sa mga kritiko nito, dapat na pagbutihin muna ang sektor ng agrikultura bago ito pumasok sa mas maraming foreign imports. RNT/JGC
January 31, 2023 @1:58 PM
Views: 18
Manila, Philippines – Ang national artist na si Nora Aunor ay abala sa pagprodyus ng pelikula. Sa bagong tatag na N.A. Films, natapos na ang syuting ng Gun for Hire at ang tampok na bida ay si John Rendez.
Nasa last syuting day pa si Ate Guy nu’n nang nagkaroon ng eye operation.
Natatawa ang kampo ni Ate Guy dahil may napanood siya sa YouTube na may title na meron na raw siyang huling habilin para kina Lotlot, Ian, Matet, Kiko at Kenneth.
Kapag pinanood mo naman, e, wala direktang ulat o pahayag na galing kay Nora.
Bagama’t naipasyal na niya ang kanyang mga anak sa Iriga City, Bicol, kung saan may ekta-ektarya siyang lupain na pangsakahan ay wala naman siyang last will sa mga anak.
Sa isang banda, natapos na ni Ate Guy ang pelikulang Kontrabida at Ligalig. Naghihintay na lang siya bng playdates. Naka-ready na rin siyang humarap muli sa kamera kung saan magsasama sila ni konsehal Alfred Vargas sa pelikulang Isaac at Rebecca mula sa direksiyon ni Adolf B. Alix, Jr. Favatinni San
January 31, 2023 @1:52 PM
Views: 19
UNITED STATES – Sinabi ni United States President Joe Biden nitong Lunes, Enero 30 na tatapusin na nila ang COVID-19 emergency declarations sa Mayo 11.
Ito ay makatapos ang tatlong taon na ang naturang bansa ay nasa ilalim ng mahigpit na mga restriksyon dahil sa pandemya.
Kung babalikan, noong 2020 ay inilagay ni dating Pangulong Donald Trump ang COVID-19 national emergency at public health emergency (PHE).
Pinalawig naman ito ni Biden sa kanyang pag-upo, kung saan milyon-milyong mga Amerikano ang nakatanggap ng libreng COVID testing, bakuna at treatments.
Sa pahayag naman ng Office of Management and Budget (OMB) ng White House, nakatakdang mapaso sa mga susunod na buwan at maaaring paliwigin hanggang Mayo 11 at tatapusin na ito.
“This wind-down would align with the Administration’s previous commitments to give at least 60 days’ notice prior to termination of the PHE,” pahayag ng OMB sa kanilang administration policy.
Sa ngayon, ang pamahalaan ng Estados Unidos ang nagbabayad sa mga bakuna kontra COVID-19, gamutan at testing ngunit sa oras na matapos na ang deklarasyon ng PHE, ililipat na ang gastusing ito sa mga private insurance at government health plans.
Kung ikukumpara noong mga nakaraang buwan, mas bumaba na ang kaso ng COVID-19 sa US bagama’t nakapagtatala pa rin ito ng mahigit 500 katao na araw-araw ay namamatay sa nasabing sakit. RNT/JGC
January 31, 2023 @1:39 PM
Views: 22
MANILA, Philippines – Sinabi ni Department of Health (DOH) officer-in-charge Maria Rosario Vergeire na handa siya kung sakaling siya ang maitalaga bilang susunod na Kalihim ng Kagawaran.
“Right now, I think based from these six months or more, I am ready. But the hesitancies are there, but sa tingin ko, baka kailangan ako ng Pilipino,” sabi ni Vergeire sa ANC nang tanungin kung handa siyang maging kalihim ng Kagawaran.
Nauna nang sinabi ni Vergeire na ipapaubaya niya kay Pangulong Ferdinand Marcos Jr. kung siya ay itatalaga o hindi.
Dagdag pa, nais nitong ipagpatuloy ang kanyang serbisyo sa publiko kahit pa pagkatapos ng higit anim na taong termino o hanggang siya ay magretiro.
Itinalaga si Vergeire ng Pangulo bilang DOH OIC noong Hulyo 14, 2022.
Nananatiling bakante ang posisyon ng DOH secretary mula nang manumpa bilang Pangulo ng Pilipinas si Marcos noong Hunyo nang nakaraang taon. Jocelyn Tabangcura-Domenden
