MANILA, Philippines- Hindi bababa sa 49 porsyento ng mga Pilipino ang naniniwala na bubuti ang kalidad ng kanilang buhay sa susunod na 12 buwan, (“optimists”), ayon sa nationwide survey ng Social Weather Stations (SWS).

Isinagawa ang survey noong December 10 hanggang 14, 2022 kung saan napag-alaman din na 37 porsyento ng respondents ang nagsabing hindi ito magbabago, at limang porsyento ang (“pessimists”) nagsabing lalala pa ito, habang walong porsyento ang walang sagot.

Mas mataas ng apat na puntos ang “net personal optimism” (percentage of optimists minus pessimists) na 44 percent kumpara sa 40 percent noong October 2022 at pinakamataas mula sa pre-pandemic score na 44 percent noong December 2019, base sa polling firm.

“The survey question on the respondents’ prediction of their quality-of-life change over the next 12 months has been fielded 147 times since April 1984,” anang SWS.

“Out of the 147 surveys, the Net Personal Optimism score was negative only 11 times, reaching a historic low of -19 in May 2020 amid the Covid-19 pandemic lockdowns. It has since trended back upwards to pre-pandemic levels,” dagdag nito.

Isinagawa ang Fourth Quarter 2022 Social Weather Survey gamit ang face-to-face interviews ng 1,200 adults (18-anyos pataas) sa buong bansa: tig-300 sa Metro Manila, Balance Luzon, Visayas, at Mindanao.

Ang sampling error margins ay ±2.8% para sa national percentages, ±5.7% para sa Metro Manila, Balance Luzon, Visayas, at Mindanao. RNT/SA

MANILA, Philippines- Pormal nang hiniling ng Japan sa Philippine government na i-deport ang apat nitong citizens na hinihinalang sangkot sa serye ng pagnanakaw doon habang nakaditine sa Pilipinas.

Sinabi ni Japanese embassy media relations officer Akihiko Hitomi na nagpadala ng request ang post sa Department of Justice nitong Lunes.

Inihayag ni Hitomi na hindi maaaring magbigay ng ibang detalye ang embahada maging mga pangalan ng mga suspek, subalit ang deportation request ay para umano sa apat na indibidwal.

Naiulat ng Japanese media na apat na Japanese individuals na umano’y may pakana ng 14 robberies sa iba’t ibang lugar sa Japan mula sa isang detention facility sa Pilipinas.

Base sa ulat, uutusan ng mga suspek ang kanilang mga kasabwat sa Japan sa pamamagitan ng encrypted messaging app.

Kabilang sa mga krimen na iniimbestigahan ang pagpatay sa 90-anyos na babae sa Tokyo suburb noong Enero 19. Ayon sa ulat, mahigit 30 suspek ang naaresto sa Japan.

Sa press briefing nitong Lunes, sinabi ni Justice Secretary Crispin Remulla sa local at Japanese journalists na makikipagkita siya sa Japanese embassy officials para talakayin ang isyu.

“The requests came way back in 2019. We just took over to expedite,” ani DOJ spokesman Mico Clavano.

Ayon kay Remulla, nakumpiska ang ilang mobile devices at hawak na ng Philippine authorities.

Naaresto ang mga itinuturong mastermind, na kinilala ng Japanese media na sina Imamura Kiyoto at Yuki Watanabe, noong 2019 at 2021. Ayon sa Japanese police, posibleng ginagamit ng dalawa ang alyas “Luffy,” na hango sa Japanese manga “One Piece.”

Sa apat na suspek, si Watanabe lamang ang may pending local case. Sinabi ni Remulla na pwede itong ibasura ng Philippine prosecutors kapag napatunayang walang para ma-deport si Watanabe sa Japan.

Kapag nakumpleto na ang legal processes, ayon kay Remulla, mapauuwi ang apat sa loob ng “10 to 12 days or earlier.”

Walang extradition treaty ang Japan at Pilipinas, subalit pwedeng i-turn over ang mga suspek kapag nakumpleto na ang legal procedures. RNT/SA

Manila, Philippines – Nag-throwback si Janine Gutierrez nang makapanayam siya ng beteranang broadcast journalist turned YouTuber na si Karen Davila sa vlog nito.

Aniya, expected na raw niya noon na darating ang panahon na papasukin niya ang pag-aartista.

Dahil isang showbiz royalty, wala raw nagtanong sa kanya kung gusto niyang mag-artista dahil ang madalas na nakukulit sa kanya ay kung kelan siya papasok sa showbusiness.

Malaking pressure rin daw sa kanya na mapabilang sa angkan ng mga magagaling na aktor kaya naman trinabaho niya na magkaroon ng sariling pangalan sa local Tinseltown.

Lola nga naman niya ang National Artist na si Nora Aunor at maging ang Asia’s Queen of Songs na si Pilita Corrales kaya hindi maiiwasang maikumpara ang achievements niya sa mga ito.

Aminado rin siyang guilty siya dahil ipinanganak siya ng inang si Lotlot de Leon noong panahong nasa kasagsagan ito ng kasikatan.

Kumbaga, ang laki raw ng isinakripisyo nito para lang maisilang siya sa mundo.

Sa kanilang tsikahan, inamin din ni Janine na dati ay madalas din silang nag-aaway o nagkakatampuhan ng kanyang inang si Lotlot.

Ito raw ay noong panahong naging manager niya ang ina.

Feeling daw kasi niya noon, iba ang naging pakikitungo sa kanya ni Lotlot lalo pa’t madalas na tungkol sa trabaho ang kanilang pinag-uusapan.

Pagtatapat pa niya, nagkaroon pa nga raw siya noon ng autoimmune disorder na alopecia kung saan muntik na siyang makalbo dahil sa matinding stress.

Gayunpaman, sa ngayon daw ay nauunawaan na niya ang ina.

Tungkol naman sa paghihiwalay ng kanyang parents na sina Monching at Lotlot, hindi naman niya ikinaila na nasaktan siya noon lalo pa’t nagkahiwalay silang magkakapatid, with Diego and her staying with their Dad and the others sa kanilang mom.

Sa relasyon naman niya sa leading man na si Paulo Avelino, inamin naman niya na special ito sa kanya pero wala naman siyang binanggit kung opisyal na silang magdyowa.

Gusto raw niya kasing maging pribado ang ibang bagay sa kanyang buhay lalo na kung tungkol sa kanyang lovelife.

Isa rin daw kasi sa naging payo sa kanya ni Lotlot ay huwag madaliin ang pakikipag-relasyon at pag-aasawa.

Saksi rin daw kasi siya noon sa naging epekto nito sa kanyang mga magulang na sa murang edad ay sumalang agad sa magulong buhay.

Kumbaga, na-trauma rin daw siya sa nangyari sa parents kaya mas gusto muna niyang pagtuunan ang kanyang karera.

Sa ngayon, ini-enjoy ni Janine ang pamumuhay nang independent sa kanyang condo. Archie Liao

MANILA, Philippines- Pinagtibay ni Pangulong Ferdinand Marcos Jr. ang kanyang commitment o pangako na mag-invest sa education sector at maging sa mga mag-aaral.

“I have previously mentioned that this administration will at no point scrimp on investment in our educational sector and in our young learners. And I am here today to reaffirm that commitment,” ayon kay Pangulong Marcos sa ginawang presentasyon ng Basic Education Report 2023 sa Sofitel Philippine Plaza.

“We will build infrastructure that will provide our learners, teachers, and the entire academic sector with a healthy and safe environment that is conducive to learning,” dagdag na wika ni Pangulong Marcos.

Nangako rin ang Pangulo na magi-invest sa “in our teachers as we all know that is part of the most – that is part of our improving our educational system.”

Sinabi pa niya na ang mga guro ay aalukin ng multiple opportunities para matugunan ang kanilang personal at propesyonal na pangangailangan.

“Our teachers are there because it is a vocation. Teachers do not become teachers because it is their job. Teachers do not become teachers because they want to become rich. Teachers become teachers because they have to. It is a vocation,” ayon sa Pangulo.

“And it is up to us to support them in that effort because they feel the need to educate young people. And we are blessed that we have such teachers and we should hold them close and do all we can to support them so that they can do, to the best of their ability, what they have pledged to do,” aniya pa rin.

Samantala, binigyang diin ni Pangulong Marcos na hindi bibiguin ng pamahalaan ang mga mag-aaral, ito aniya ang “main motivation” na kailangang panatilihin sa kanilang mga puso.

“[If we keep failing them] They will not become the great Filipinos that will be recognized not only by their fellow Filipinos but by many people around the world,” aniya pa rin. Kris Jose

MANILA, Philippines- Inaprubhan ng Senado nitong Lunes sa ikatlo at huling pagbasa ang panukala na nagsusulot na gawing lungsod ang bayan ng Carmona sa Cavite.

Nakakuha ang House Bill 3968 ng 19 affirmative votes, zero negative votes at zero abstention.

Ayon kay Senator JV Ejrecito, isponsor ng panukala at chairperson ng Senate local government committee, kapag napasa ito, ang bayan ng Carmona ang magiging unang munisipalidad na gagawing lungsod sa ilalim ng Republic Act No. 11683, na nag-amyenda sa Local Government Code of 1991 at pinadali ang pag-aapply para sa cityhood.

“Carmona has all the characteristics of a city but does not enjoy such privilege despite being one of the most prosperous municipalities in the entire country. This bill embodies the hard work, dreams, and aspirations of the people of Carmona,” pahayag ni Ejercito.

Sinabi ni Ejercito na bibigyang-daan ng pagpasa ng HB 3968 ang mas maraming oportunidad para sa mga tao at mas maraming investments para sa lokal na pamahalaan. RNT/SA