50 sasakyan hinatak ng MMDA

50 sasakyan hinatak ng MMDA

May 24, 2022 @ 2:42 PM 1 month ago


MANILA, Philippines- Aabot sa 50 sasakyan ang hinatak at inimpound ng Metro Manila Development Authority (MMDA) sa isinagawang clearing operation ngayong Martes ng umaga sa may Felix Huertas, Sta. Cruz, Maynila.

Partikular na inimpound ng MMDA ang mga sagabal na nakaparadang sasakyan sa daraanan o kalsada gayundin ang mga motorsiklo .

Dadalhin ang mga ito sa impounding area sa Pasay City kung saan maaring tubusin ng may-ari.

Umaray naman ang ilang vehicle owner dahil nagbabayad umano sila ng overnight parking fee sa mga parking attendant sa lugar.

Paliwanag naman ng MMDA, ang Felix Huertas St. ay hindi maaring gawing parking dahil ang kalsada ay tagos hanggang sa Rizal Avenue. Jocelyn Tabangcura-Domenden