6 bagong ruta sa NCR binuksan

6 bagong ruta sa NCR binuksan

January 6, 2023 @ 9:38 AM 1 month ago


MANILA, Philippines – Inanunsyo ng Land Transportation Franchising and Regulatory Board (LTFRB) ang pagbubukas ng anim na bagong ruta para sa mga public utility bus (PUB) na dadaan sa National Capital Region (NCR) at sa mga nasa labas nito.

Sa Memorandum Circular No. 2022-083, inaprubahan ng LTFRB ang pagbubukas ng mga sumusunod na bagong ruta:

  • Antipolo – McKinley Hill sa pamamagitan ng FVR Road, C-5

  • Antipolo – McKinley Hill sa pamamagitan ng C-6

  • McKinley Hill – Southwoods Mall Transport Terminal

  • Ayala – Southwoods Mall Transport Terminal

  • Alabang (SST) – Naic via Governor’s Drive

  • Cubao – Dasmariñas via Governor’s Drive

Sa pagbanggit sa mga alituntunin sa memorandum, sinabi ng LTFRB na ang mga interesadong operator na nagsama-sama sa operasyon at may bago o Omnibus Franchising Guidelines (OFG)–compliant units ay bibigyan ng preference.

“The decision to open new bus routes came after extensive monitoring and ground validation, and we saw the need to provide more public land transportation services because of increasing passenger demand,” ayon kay Joel Bolano, head ng Technical Division ng LTFRB. RNT