9 pulis na sangkot sa pagpatay sa Calbayog mayor pinayagan mag-piyansa
March 10, 2023 @ 5:59 PM
2 weeks ago
Views: 315
Remate Online2023-03-10T16:44:08+08:00
MANILA, Philippines – Pinayagang makapagpiyansa ang siyam na pulis na akusado sa pagpatay kay Calbayog Mayor Ronaldo Aquino noong 2019 sa dahilan na ang pagpatay ay homicide at hindi murder.
Ang naturang desisyon ay tila naging sampal sa mukha sa pamilya ng biktima lalo pa’t dumating ito bago ang ikalawang anibersaryo ng pagpatay sa alkalde.
Marso 9 nang nasabing taon ay pinagbabaril si Aquino ng may 21 beses sa Barangay Lonoy at tinawag na tila isang ambush.
Kasama ng biktima ang anak na si Mark na tinawag na ang insidente ay posibleng may kinalaman sa politika.
Inilarawan naman ng pulisya ang insidente bilang isang shootout.
Sa kautusan, pinayagang makapagpiyansa ang siyam na pulis ng tig-P120,000 kapalit ng kalayaan, ayon sa resolusyon ni Calbayog City RTC Branch 31 judge Maricar Lucero.
“Napakasakit. Sobrang sakit ng nangyari sa amin. Nakaka-insulto at nakaka-galit,” ani Mark sa panayam ng TeleRadyo.
“Sa amin, para sa aming pamilya napakalaking insulto dahil kami ay nagluluksa habang ang akusado ay nagsasaya dahil pinayagan ng husgado,” dagdag niya.
Ani Atty. Alma Uy, legal counsel ng pamilya Aquino, naghain ng reklamong murder ang National Bureau of Investigation ayon sa rekomendasyon ng Department of Justice.
Sa kabila nito, sinabi ni Judge Lucero na dapat ay kasong homicide ang harapin ng mga pulis dahil gumanti si Aquino sa mga nagpaputok sa kanya.
“Yung ruling ng judge sabi niya na yung pag-fight back ni Mayor Aquino yun ang nag-mitigate ng treachery. Wala nang treachery dahil nakalaban siya, naka-fight back pero dinisregard niya na lumaban lang si Mayor Aquino dahil patay na yung driver niya, yung security niya wounded na tapos una silang pinaputukan,” ani Uy.
“Patay agad ang dalawa tapos siya na lang naiwan dun so yung pagpapaputok ni Mayor Aquino ay depensa na lang niya in desperation na ma-save ang sarili niya,” dagdag pa niya.
Sa pahayag ng Philippine National Police Public Information Office nang panahong iyon, sinabi na “the group of Mayor Aquino was alleged to have initiated the shootout when his close-in security fired at the unmarked vehicle of the IMEG-PDEU group that was traveling in the same direction along the road.”
Anang PNP, ang mga sangkot na tauhan sa barilan ay mula sa Integrity Monitoring and Enforcement Group, at Provincial Drug Enforcement Unit, na nagsasagawa ng Red Teaming inspection sa lugar.
Sinupalpal naman ni Samar 1st District Rep. Edgar Mary Sarmiento ang ulat ng pulisya at sinabing nakaabang na ang mga ito sa tulay bago pa dumating ang sasakyan ni Aquino sa Laboyao Bridge sa
Barangay Lonoy, Calbayog City bago ang shooting incident bandang 5:30 ng hapon.
“Nag-inhibit na yung judge kahapon lang, nagbitiw na siya so ngayon ibang judge na yung magru-rule ng motion for reconsideration and at the same time hindi pa makakalabas yung mga akusado, hindi pa magbi-bail,” ani Uy. RNT/JGC
March 23, 2023 @9:10 AM
Views: 7
MANILA, Philippines – Nagsisilbing “window opportunity” ngayon ang magandang panahon at kalmadong dagat para sa mas mabilisan at mas madaling paglilinis ng oil spill sa dagat na sakop ng Mindoro.
Sa pahayag ng mga eksperto mula sa UP Marine Science Institute nitong Miyerkules, Marso 22, sinabi nito na sa datos mula sa US National Oceanographic and Atmospheric Administration nitong martes ay makikita ang posibleng mga langis na namuo bilang “slick” at may lawak na 37.84-square-kilometer, o mas malaki pa sa Las Pinas.
“Weaker winds and calmer seas allow for larger oil slicks to form because of less disturbance from waves,” ayon sa mga eksperto.
Anila, ang namuong langis at maayos na panahon “may be a boon to the cleanup efforts.”
“Calmer seas and larger slicks should be taken as an opportunity to collect the oil in slicks near the sunken tanker using booms and skimmers and ramp up cleanup efforts to prevent the oil from spreading further,” dagdag pa nila.
Sa impormasyon ng Philippine Coast Guard, nakakolekta na sila ng nasa 7,000 litro ng oily water mixture mula sa mga apektadong lugar. RNT/JGC
March 23, 2023 @8:57 AM
Views: 12
MANILA, Philippines – Niyanig ng magnitude 5.7 na lindol ang Calayan, Cagayan nitong Huwebes ng umaga, Marso 23.
Ayon sa Philippine Institute of Volcanology and Seismology (PHIVOLCS), naitala ang epicenter ng lindol kanluran ng Dalupiri Island bandang 7:32 ng umaga.
May lalim itong 43 kilometro at tectonic in origin.
Samantala, naitala naman ang instrumental intensities sa mga sumusunod na lugar:
Intensity III – Pasuquin, Ilocos Norte; San Antonio, Zambales
Intensity II – Laoag City, Ilocos Norte; Narvacan, Ilocos Sur; Ilagan, Isabela;
Intensity I – Penablanca and Gonzaga, Cagayan; Batac, Ilocos Norte; Sinait, Ilocos Sur; Santol, La Union
Ayon naman sa PHIVOLCS, walang inaasahang matinding pinsala dulot ng lindol bagama’t posible pa ang mga aftershock. RNT/JGC
March 23, 2023 @8:44 AM
Views: 14
MANILA, Philippines – Lumabas sa pag-aaral ng Social Weather Station (SWS) na isa sa apat na Filipinong Muslim ang nananalangin ng Salah limang beses isang araw.
Sa National Survey noong Disyembre 10 hanggang 14, 2022, tinanong ang mga Muslim respondents kung ilang beses silang nananalangin ng Salah, o panalangin na isinasagawa ng mga Muslim limang beses kada araw o ayon sa itinakdang dami.
Lumabas sa resulta na 26% ng mga Filipino Muslims ang nananalangin ng Salah limang beses kada araw, 32% naman ang “few times daily”, 38% “sometimes” at 3% ang tuwing Ramadan lang, habang 2% ang nagsabing mahigit isang taon na ang nakalilipas nang sila ay huling mag-Salah.
Patungkol naman sa pagdalo sa religious service, 71% ng mga Muslim ang nagsabing dumadalo sila ng religious service isang beses sa isang linggo o mahigit sa isang beses, 9% ang nagsabing dalawa o higit pang beses kada buwan, 6% ang nagsabing isang beses isang linggo, 1% ang nagsabing dalawa hanggang 11 beses sa isang taon, 7% ang nagsabing isang beses isang taon at 3% ang nagsabing hindi kailanman.
Samantala, 96% ng mga Muslim ang nagsabing personal silang nagtungo sa mga lugar sambahan sa nakalipas na tatlong buwan at 3% ang nagsabing hindi sila nakadalo sa anumang religious service.
Ang naturang survey ay idinaos sa pamamagitan ng face-to-face interview kasama ang 1,200 adults edad 18 pataas sa buong bansa.
Nasa 6% ng mga respondents nito ay Muslim, ayon sa SWS. RNT/JGC
March 23, 2023 @8:31 AM
Views: 22
MANILA, Philippines – Umarangkada na para sa plenary debates ang panukalang gagawing mandatoryo ang Reserve Officers’ Training Corps program sa mga estudyante sa higher education institutions (HEIs) at technical-vocational institutions (TVIs).
Nitong Miyerkules, Marso 22, ay inisponsoran ni Senador Ronald “Bato” Dela Rosa ang Senate Bill 2034 na substitution sa walong proposed measures kaugnay ng mandatory ROTC, na isa sa mga prayoridad ng administrasyong Marcos.
Sa ilalim ng panukala, sasakupin ng mandatory basic ROTC program ang lahat ng estudyante na naka-enroll sa hindi bababa sa dalawang taon nang undergraduate degree, diploma, o certificate programs sa HEIs at TVIs.
Ang programa ay kukunin sa loob ng apat na semester.
Hindi naman magiging kwalipikado para makapagtapos ang estudyanteng hindi papasok sa ROTC program.
Mahaharap din sa disciplinary at administrative sanctions ang mga paaralan na hindi magpapatupad ng basic ROTC, mula sa Commission on Higher Education at Technical Education and Skills Development Authority.
Gagawan din ng specialized program ang naturang programa para sa mga estudyante na maituturing na persons with disabilities, at mga mayroong religious beliefs na nagbabawal sa paghawak ng armas upang makapagserbisyo sa bansa, o mga na-convict sa krimen kabilang ang
moral turpitude.
Bubuoin naman ng Department of National Defense, CHED, at TESDA, kasama ng pakikipag-ugnayan sa ibang ahensya ng gobyerno at stakeholders ang Basic ROTC Program Curriculum.
Mayroon ding probisyon ang panukala na nagbibigay ng Advance ROTC program ngunit hindi na sapilitan para sa lahat.
Magbibigay naman ng insentibo para sa mga estudyante na lalahok sa programang ito.
Saad naman sa Section 14 ng panukala ang mga safeguards upang maiwasan ang hazing, korapsyon at iba pang uri ng pang-aabuso kasabay ng pagtatatag ng ROTC grievance board para sa mga reklamong may kaugnayan dito. RNT/JGC
March 23, 2023 @8:30 AM
Views: 16
Manila, Philippines- Kailanma’y hindi magtatagumpay ang kanyang mga bashers.
Ito ang paniniwala ni Paolo Contis sa mga bashers niya.
Wala raw kasing alam ang mga ito sa kuwento ng buhay niya.
“Technically, wala silang alam kahit sinasabi nilang meron,” aniya.
Kung susukatin daw by percentage, mga 10 to 15% lang ang alam ng mga bashers.
Ever since naman daw kasi’y hindi niya hinahayaan ang kanyang sarili na maapektuhan.
Binansagan nga niyang background noise ang mga ito who pretend to know everything about him.
“My personal problems are mine. Hindi porke nananahimik ako, ibig sabihin ay wala akong ginagawa,” ani Paolo na hindi naniniwalang dapat gamiting sounding board ang social media bilang daan para malaman ng buong mundo ang kanyang pinagdadaanan.
Proof ng pagmamaliit nga ng aktor sa kanyang mga bashers ay nang sabihin niyang: “Sino’ng mukhang tanga ngayon?!”
May ilang netizens namang naninindigan na imposibleng kahit katiting ay hindi apektado ang actor sa inaabot na pamba-bash.
Kung ganoon daw ay napaka-dense o insensitive ni Paolo.
Defense mechanism na lang daw ‘yon ng aktor pero deep within ay nasasaktan din daw siya kahit paano.
Hindi pa raw ba sapat na paratangan siyang walang kuwentang ama sa mga anak niya sa dalawang babaeng nakarelasyon niya?
Kung tutuusi’y nahahabag ang mga netizen sa maaaring sapitin ng nobya niyang si Yen Santos.
May precedent na raw kasi.
Paano kung magkaanak daw si Yen kay Paolo na hindi malayong mangyari?
Saka raw maliitin ni Paolo ang mga aniya’y mukhang tangang bashers niya pag hindi nangyaring iwanan din niya si Yen at magiging anak nila.
May point. Ronnie Carrasco III
