Agrarian reform beneficiaries, wala nang babayarang utang – Villar
March 7, 2023 @ 1:13 PM
2 weeks ago
Views: 218
Shyr Abarentos2023-03-07T13:12:39+08:00
MANILA, Philippines- Inihayag ni Senador Cynthia Villar na inaprubahan ng Senado sa ikatlo at huling pagbasa ang panukalang batas upang hindi na magbayad ng pagkakautang ang lahat ng magsasaka at agrarian reform beneficiaries.
Sa pahayag, sinabi ni Villar, chairman ng Senate committee on agriculture and agrarian reform na nakatakda sa Senate Bill No. 1850 na hindi na kailangang magbayad ng utang at interes ang nabigyan sakahang lupa sa ilalim ng Comprehensive Agrarian Reform Program noong December 31, 2022.
“Many farmers who were beneficiaries of the agrarian reform program have been waiting for their titles but they have been saddled by issues on how to pay their loans’ annual amortization, interests, including penalties and surcharges, which hinder their full ownership over their land. Without land in their name, these farmers cannot access credit as they lack collateral to secure the same,” ayon kay Sen. Cynthia Villar, chairperson ng Committee on Agriculture, Food, and Agrarian Reform, at principal sponsor ng bill.
Kapag naisabatas, mawawala ang ₱57.5 billion principal ng 610,054 ARBs na nagsasaka sa 1,173,101.57 ektarya ng agrarian reform lands.
Mawawala na rin ang principal loan na ₱14.5 billion ng 263,622 ARBs na nagsasaka sa 409,206.91 ektarya ng agrarian reform lands.
Naisumite na ng Land Bank of the Philippines (LBP) sa Kongreso ang pangalan at iba pang detalye ng utang ng mga ito.
Mapapasama ang natitirang ₱43.057 billion utang kapag naisumite ng LBP at Department of Agrarian Reform (DAR) ang detalye ng pagkakautang sa pamahalaan ng 346,432 ARBs na sumasaka sa 763,894.66 ektarya ng agrarian reform lands.
“This bill seeks to help alleviate the plight of ARBs, who are farmers; for them to recover and overcome the fallout of the COVID-19 crisis, the devastating African swine fever, the ongoing avian influenza, the increasing cost of fertilizer, fuel, and other farm inputs, and climate change,” sabi ni Villar.
Dagdag pa ni Villar, “condoning farmers’ amortization will provide them much-needed financial resources that shall help them develop their farms, increase their productivity, and advance an agriculture-driven economy, improve the lives and that of their families, reduce poverty, accelerate rural development and promote food security.”
Bilang co-sponsor ng bill, sinabi ni Senate Majority Leader Joel Villanueva na ang pagpapakawala ng ARBs mula sa kanilang utang ay kailangan kung kailangan nating seryosong tugunan ang rural poverty at mapabuti ang buhay ng Filipino farmers.
“The passage of the bill shows how the Senate recognizes the urgency of addressing the concerns of the agriculture sector,” giit ni Villanueva.
“It is our hope that this important measure will help end the cyclical and generational poverty among our ARBs. The condonation of a total of P57.557 billion principal debt of 610,054 ARBs tilling a total of 1.17 million hectares shall emancipate them from debt burden and shall help them refocus their resources and energies instead to increasing their productivity and improving their lives,” ayon pa sa senador.
Co-sponsor at co-author din ng bill sina Senate President Pro Tempore Loren Legarda, Sens. Sonny Angara, Francis Escudero, Imee Marcos, Maria Lourdes Nancy Binay, Ronald “Bato” Dela Rosa, Joseph Victor Ejercito, Jinggoy Estrada, Manuel “Lito” Lapid, Ramon “Bong” Revilla Jr, Christopher Lawrence Go, at Robin Padilla.
Kasabay nito, inaprubahan din ng Senado sa ikatlo at huling pagbasa ang Academic Recovery and Accessible Learning (ARAL) Program Act (Senate Bill No. 1604) na layong tugunan ang learning loss na dulot ng pandemya ng COVID-19.
Ipinanukala ni Senador Win Gatchalian ang ARAL Program upang mapaigting ang learning recovery at matugunan ang pinsalang dinulot ng pandemya ng COVID-19. Titiyakin ng programa na makatatanggap ang mga estudyante ng sapat na oras para sa pag-aaral, matututunan nila ang essential learning competencies, at makakahabol sila sa kanilang mga aralin.
Saklaw ng panukalang programa ang essential learning competencies sa ilalim ng Language at Mathematics para sa Grade 1 hanggang Grade 10, at Science mula Grade 3 hanggang Grade 10. Bibigyang prayoridad ng panukalang programa ang numeracy at pagbasa. Para sa mga mag-aaral ng kindergarten, tututukan ng ARAL Program ang mga dagdag kakayahang patatatagin ang kanilang numeracy at literacy competencies.
Bibigyang prayoridad ng ARAL program ang mga mag-aaral sa mga pampublikong paaralan na hindi nag-enroll simula School Year 2020-2021 at iyong mga hindi nakaabot sa minimum proficiency na kinakailangan sa Language, Mathematics, at Science. Maaari ring maging bahagi ng programa ang mga mag-aaral mula sa mga pribadong paaralan.
Magsisilbing mga tutor sa ilalim ng ARAL Program ang mga guro at para-teachers. Maaari ring mag-boluntaryo bilang tutor ang mga kwalipikadong mag-aaral mula sa senior high school at kolehiyo. Para sa mga mag-aaral sa kolehiyo at senior high school na magsisilbing mga tutor, makatatanggap sila ng mga credits na katumbas ng Literacy Training Service sa ilalim ng National Service Training Program.
“Isang mahalagang hakbang ang pagpasa ng Senado sa ating panukalang ARAL Program upang mapaigiting ang pagbangon ng sektor ng edukasyon mula sa pinsalang idinulot ng pandemya ng COVID-19. Titiyakin nating makakahabol sa kanilang mga aralin ang ating mga mag-aaral,” ani Gatchalian, Chairman ng Senate Committee on Basic Education.
Batay sa simulation analysis ng World Bank para sa Pilipinas, bababa mula 7.5 taon hanggang 5.7 o maging hanggang 6.1 taon ang Learning Adjusted Years of Schooling. Ibig sabihin, magiging katumbas na lamang ng 5.7 hanggang 6.1 taon ang kalidad ng 12 taon ng basic education sa Pilipinas sa pagwawakas ng pandemya,.
Pinasalamatan naman ni Gatchalian ang mga co-author at mga co-sponsor ng panukalang batas: Senador Sonny Angara, Senador Cynthia Villar, Senador Jinggoy Estrada, Senador Robinhood Padilla, at Majority Leader Joel Villanueva. Ernie Reyes
March 23, 2023 @7:40 PM
Views: 54
MANILA, Philippines- Sinabi ni Pangulong Ferdinand R. Marcos Jr. na mino-monitor ng Board of Investments (BOI) ang 90 active investment leads mula Chinese companies ng iba’t ibang sektor kasunod ng kanyang state visit sa China noong Enero.
“I am pleased to share that as of February 2023, the BOI, the Board of Investments is monitoring 90 active investment leads from Chinese companies engaged in manufacturing, information technology, business process management, and renewable energy,” ayon kay Pangulong Marcos sa kanyang naging talumpati sa idinaos na 33rd Biennial Convention ng Federation of the Filipino-Chinese Chambers of Commerce and Industry Inc. (FFCCCII) sa Pasay City.
“May you all take hold of and maximize these prospects as you venture into your next endeavors for the benefit of our people and for our communities,” ang sinabi ng Pangulo sa mga opisyal at miyembro ng FFCCCII.
Pinahalagahan ang naging partisipasyon ng FFCCCII sa kamakailan lamang na presidential visit sa China, tiniyak ni Pangulong Marcos sa Chinese-Filipino businessmen na ang usapin na nabanggit noong Setyembre sa courtesy call ay natugunan na ng kanyang administrasyon.
Upang makapanghikayat ng mas maraming investments sa energy sector, at tiyakin na sapat ang power supply at mababa ang electricity costs, sinabi ng Pangulo na inamiyendahan ng kanyang administrasyon ang Implementing Rules and Regulations (IRR) ng Renewable Energy Act, nag-alis sa foreign ownership restrictions para sa ilang Renewable Energy (RE) generation projects sa Pilipinas.
Upang mas ma-streamline ang business permit at licensing processes, nagpalabas ang administrasyon ng Executive Order na naglalayong “constituting green lanes for strategic investments.”
“These are just some of the recent exciting opportunities, proving that the relationship between the government and the federation remains enduring and thriving in a highly globalized world,” ayon sa Pangulo sabay sabing bilang head of state, tungkulin niya na lumikha ng “enabling environment” para sa mga negosyo at gawing investment haven ang bansa.
“In return, I only ask that you continue to do what you do best: to remain industrious, innovative, and compassionate in improving the lives of our people through your business initiatives,” ang wika ng Pangulo.
Kinilala naman ng Pangulo ang papel ng FFCCCII bilang “catalyst for growth” mula ng magsimula ito noong 1954, binigyang diin ang inisyatiba para makaabot hangga’t maaari sa mas maraming komunidad bitbit ang Operation: Barrio Schools and Operation: Bakuna nito.
“We deeply appreciate your assistance in conducting medical missions and typhoon
and earthquake relief operations. As you conduct your biennial convention today, may you reaffirm your commitment to support the government in accelerating the country’s development efforts,” diing pahayag ni Pangulong Marcos.
Ang FFCCCII ay isang non-stock, non-profit corporation na binubuo ng 170 member chambers at trade associations sa iba’t ibang bahagi ng bansa, aktibong nauugnay sa “trading, manufacturing, service industry at iba pang economic activities.”
“The Federation’s four-day convention, attended by around 820 delegates including the country’s top Filipino-Chinese business leaders, has for its theme: “Unity for Development and Prosperity.” ayon sa ulat. Kris Jose
March 23, 2023 @7:30 PM
Views: 64
MANILA, Philippines- Makatatanggap ng mas mataas na honoraria ang poll worker na magsisilbing Electoral Boards (EBs) sa darating na Barangay at Sangguniang Kabataan Elections (BSKE), inihayag ng Commission on Elections (Comelec) ngayong Huwebes.
Ayon kay Comelec Chairperson George Garcia, ang mga guro na magiging bahagi ng mga botohan sa Oktubre 2023 ay nakatakdang tumanggap ng minimum na P8,000 hanggang P10,000.
“We will make it PHP10,000; PHP9,000 and PHP8,000. We will match it to what teachers receive in automate elections,” ani Garcia sa press conference.
Ayon kay Garcia, gagawin itong epektibo sa Barangay at SK elections.
Pero sinabi ni Garcia na hindi exempted sa Value Added Tax (VAT) deduction ang pagbabayad para sa mga guro dahil sasailalim pa rin sa 20 percent VAT ang honoraria ng mga guro.
Mas mataas ang bagong bayad kaysa sa natanggap ng mga guro sa nakaraang BSKE, na nasa P6,000, P5,000, at P4,000.
Sa botohan noong May 2022, mahigit 75,000 guro ang nagsilbi bilang Electoral Boards.
Ang EB ay binubuo ng isang tagapangulo, dalawang miyembro, Department of Education Supervisor Official (DESO) at support staff. Jocelyn Tabangcura-Domenden
March 23, 2023 @7:22 PM
Views: 58
MANILA, Philippines- Tuluyan nang ipagbabawal ang pagtuturo sa lahat ng public school ang anumang may kinalaman sa SOGIE o sexual orientation and gender identity expression sa estado ng California, United States.
Sa ngayon, mula Kindergarten hanggang Grade 3 pa lang ito ipinagbabawal subalit sa mga darating na araw, maging sa buong K to 12 na.
Ito’y makaraang ipanukala ng Florida Department of Education sa State Board of Education ang pagbabawal ng SOGIE nang buo.
Hindi na umano kailangan pang idaan ang panukala sa kamay ng mga mambabatas sa nasabing estado at dedesisyunan na ito ng State Board sa Abril 17.
Nauna rito, inaprubahan ang pagbabawal ng SOGIE sa mababang antas ng mga eskwelahang pampubliko ni Republican Florida Governor Ron DeSantis noong nakaraang taon.
Ipinaalam na ito sa mga magulang ng mga bata ang nasabing batas at ang panuklang magpapalawak nito sa buong sistema ng edukasyon, ayon kay DeSantis spokesperson Bryan Griffin.
Walang dahilan para ituro ito sa mga eskwela at dapat nang buong itigil ito, dagdag niya.
Kung gusto ng iba na ituro o pag-usapan ito, sa labas na lamang umano ng eskwela.
Binatikos naman ito ng mga nagtataguyod ng Lesbian, Gay, Bisexual, Trasgender and Queer at kasama nila si White House spokesman Karine Jean-Pierre na isang Democrat nagsabing maling-mali ang panukala.
Kasama ang Florida ng Alabama, Louisiana, Arizona, Mississippi, Oklahoma, South Carolina, Texas, Utah at North Carolina na nagbabawal sa mga pampublikong eskwela na isama sa aralin ng mga bata ang SOGIE. RNT
March 23, 2023 @7:20 PM
Views: 72
MANILA, Philippines- Naaresto ng Criminal Investigation and Detection Group (CIDG) personnel ang 16 wanted na indibidwal sa two-day simultaneous anti-criminality campaign.
Sinabi ni CIDG chief Brig. Gen. Romeo Caramat na sa ilalim ng flagship project ng grupo, ang kampanya laban sa wanted persons o Oplan Pagtugis, nagsagawa ng 16 pursuit operations na nagresulta sa pagkakaaresto ng 16 wanted persons (WPs)– lima na nakalista sa regional; dalawa sa ilalim ng provincial; isa sa municipal level, at walo pang wanted persons.
Nagsagawa ang grupo ng 31 operasyon, kung saan nalambat ang 39 suspek sa simultaneous anti-criminality campaigns noong March 18 at 19.
Inihayag ni Caramat na sa kampanya laban sa loose firearms sa ilalim ng Oplan Paglalansag Omega, naaresto ng CIDG ang isang suspek sa police operation at nasamsam ang apat na firearms.
Nagresulta ang Oplan Bolilyo o kampanya laban sa illegal gambling sa pagkakaaresto sa 11 indibidwal aat pagkakasabat ng bet money na nagkakahalaga ng P6,810 sa apat na operasyon.
Ayon kay Caramat, nagresulta naman ang Oplan Kalikasan sa pagkakaaresto ng 11 indibidwal, habang 23 minors ang nasagip sa kampanya laban sa law enforcement activities.
“(The) CIDG is relentless in the implementation of its flagship programs to put an end on all illegal activities and hold criminals accountable. Makakaasa kayo na kami ay patuloy na kikilos at tutugon sa anumang paraan upang mapanatili ang ligtas at payapang komunidad,” aniya. RNT/SA
March 23, 2023 @7:10 PM
Views: 70
MANILA, Philippines- Nagpalabas ang Philippine Atmospheric, Geophysical and Astronomical Services Administration (PAGASA) nitong Huwebes ng El Niño Watch kung saan nakasaad ang mas mataas na tiyansa ng El Niño conditions sa ikatlong quarter ng 2023.
Sinabi ni PAGASA-Climate Monitoring and Prediction Section chief Ana Liza Solis na inisyu ang El Niño Watch, dahil naging mas pabor ang climate conditions para sa pagkakaroon ng El Niño sa susunod na anim na buwan, sa tiyansang 55 porsyento.
Batay sa conditions at model forecasts kamakailan,sinabi ni Solis na posibleng magkaroon ng El Niño sa July-August-September 2023 season at umabot hanggang 2024. Huling nagkaroon ng El Niño noong 2018-2019.
Patuloy na binabantayan ng PAGASA ang El Niño Southern Oscillation (ENSO) conditions sa tropical Pacific mula nang ipalabas ang huling La Niña advisory noong March 10.
Base kay Solis, karaniwang nagdudulot ang namumuong El Niño ng paglakas ng southwest monsoon, dahil bago ang tagtuyot, ilang bahagi ng bansa partikular ang kanlurang parte, ang maaaaring makaranas ng “above-normal” rainfall.
Binanggit niyang halimbawa ang Ondoy na nagdulot ng malakas na pag-ulan sa Metro Manila at mga karatig-lugar sa pre-development ng El Niño noong 2009.
Batay sa latest analysis, inihayag ni Solis na maaari ring makaapekto ang El Niño sa pag-ulan sa Visayas at Mindanao, dahil makararanas umano ang mga rehiyong ito ng“below-normal” rainfall sa mga susunod na buwan.
Inabisuhan naman nito lahat ng concerned government agencies at ang publiko ba bantayan ang official updates at mag-ingat laban sa epekto ng El Niño. RNT/SA
