AGRIKULTURA PRAYORIDAD NI PANGULONG MARCOS

AGRIKULTURA PRAYORIDAD NI PANGULONG MARCOS

July 14, 2022 @ 8:02 PM 1 month ago


HIGHEST priority ng ating bagong Pangulong Bong Bong Marcos (PBBM) ang agrikultura. Ito ay dahil na rin sa kanyang paniniwala na hindi magiging matatag ang ekonomiya ng bansa kung hindi ito nakasandal sa matatag na pundasyon – ang masigla at kapakipakinabang na sektor ng agrikultura.

Ang masiglang agrikultura, para kay PBBM, ang magbigay ng kasiguruhan sa ating lahat na hindi tayo kakapusin sa pagkain, kahit na sa panahon ng mga ‘emergency’.

Ang suliranin na ito, ang pangunahing dahilan ng ating Pangulo upang mataimtim na tutukan ang sektor ng agrikultura. Kaya nga siya ay nagkusang pamunuan ang pambansang departamento nito.

Sa ngayon, hindi natin maiwasan na umangkat muna ng mga pangunahing produktong galing sa agrikultura, dahil nga di sapat ang supply nito sa ating bansa.

‘Di ko na iisa-isahin pa bakit tayo napunta sa ganitong sitwasyon. Alam kong matutuklasan o maaaring alam na ni PBBM ang mga kahadahilan nito, kaya nga siya na ang nagkusa na pamunuan ang departamento.

Pihadong may gugulong na mga ulo sa ahensiya ng Department of Agriculture (DA) upang mapatino ang pagpapatakbo nito.

Sa matagal na panahon, ang kahirapan ng nakararami sa atin, ay palobo nang palobo.Sa huling tala ng Philippine Statistics Authority, ito ay umabot na sa 23.7 percent o 26.1 milyong Filipino ang talagang mahihirap at walang kakayahang pakainin ang kanilang mga sarili at pamilya.

Kumpara yan sa datos ng PSA noong 2018 na 21.1 percent ng mga Filipino ang mga mahihirap. Hindi ba napaka- bilis ng kanilang pagdami.

Yan ay napansin na ni PBBM kaya nga itatama niya ang lahat sa DA. May pihado rin tatamaan sa pagtatamang gagawin ng Pangulo sa na-sabing departamento.
***
Assalamu Alaikum Warahmatullahi Wabarakatuh!